VOV4.K’ho-Mho ngai 18/6, UBND càr Gia Lai geh Công văn sồ 812 bè broă lơh jat bàr pe broă lơh rcang sơndră kòp Covid-19 tàm tơngai pa. Jat hơ̆, 0 jiơ mang ngai 19/6/2021, ai gơnoar lơh broă wơl bàr pe broă drơng ala tàm ù tiah gùt càr dê. Jat Công văn bơto pơlam, Gia Lai pơn jat tai ơm ing  lơh broă tàm ală quán bar, anih tam ya, karaoke, ală broă massage, xông hơi tus di tŭ geh jơnau yal pa.

Bơh 0 jiơ mang ngai 19/6/2021, ai gơnoar lơh broă wơl bàr pe broă drơng ala bè: ală tiah nhơl điện tử, game online, ală đại lý internet, tơnau re dà, anih lơh hàng să, anih lơh lơma, tiah pơlam tàp ală môn tàp pràn să jan, phòng gym, yoga, ală tiah mờ câu lạc bộ bida, câu lạc bộ tàp võ, câu lạc bộ pràn kơl dang să jan, mơya pal gàr niam jơnau hơ lơh jat niam jơnau sồr 5K bơh Bộ Y tế dê mơkung mìng ai gơnoar lơh broă mờ 50% mờ ờ uă ir 30 nă cau tàm 1 tiah. Càr Gia Lai kung pơn jat tai lơh sùm 4 anih sền gròi rcang sơndră kòp tàm 4 tiah lòt rê tàm gùng dờng mut tàm càr.

Cau mblàng K’Hạnh