VOV4.K’ho - Pa do,  tơnơ\ ua\ ngai geh mìu dờng ơnàng, 90 hìu nha\ làng  bol mờ mờr 400 na\ cau tàm tiah nhàr lơgar bơh kơnhòal Cư\ Prông, càr Gia Lai neh gơbàn dà kơryan tài bơh dà tih. Nàng dong kờl làng bol lik klas mờ gơ pơhìn bơh dà tih, Binh đoàn 15 neh bal mờ cau ling sền gàr nhàr lơgar, gơnoar atbồ [òn lơgar neh nhap nhar mut lơh ala\ broa\ lơh dong kờl, mơ kung dong kờl làng bol geh lơh  bơt bơtàu wơl, niam tàm rài kis.

Tơnơ\ ua\ ngai mìu dờng sùm,  bùi drim 11/6, dà tih nisơna  bè cau tuh gơ cò tàm ala\ [òn rềp mờ nhàr lơgar bơh 3 xã la Ia Lâu, Ia Piơr mờ Ia Puch, kơnhòal Cư\ Prong. Dơ\ dà tih neh  lơh gơ  ngơr bam dà tus rlau  jơt nơm hiù, hìu bơsram, hìu lơh broa\  bơh ala\ mpồl lơh sa bơh kong nhơn cao su. Mơ kung, mờr 90 hìu nha\ làng bol mờ mờr 400 na\ cau gơbàn  dà kơryan. Tàm do,  làng bol den kis rah rài, ù  ơnàng, den tàng làng bol tàm do ờ gơtùi dong kờl bal mờ mìng  kơnờm mờ bơta dong kờl bơh mpồl kong nhơn sền gàr dà lơgar tàm do bơh Binh đoàn 15, Bộ quốc phòng. Thiếu tá Trần Huy Thành, atbồ mpồl lơh sa sồ 14, kong ti Bình Dương, Binh đòan 15 la dùl tàm ala\ cau sơnrờp tus dong kờl làng bol di mpồl lơh sa sồ 14 yal wơl:

 Rlau jơt jiơ mơ gùl ngai 11/6,  dà tih gơ tus. Dà tih jơnhua ngan. Tàm di 15 phút  dè geh tus, den tàng  he ờ thàn dong thàn đơ. Hìu bơh mpồl atbồ mờ ala\ hìu gơbàn tơrlah jơh dùl  đah hìu, dà pràn ngan gơmut tàm hìu, gơ cò  jơh phan bơna. Tu\ do ờ tơl  ào soh, mpha cùh.

Lòt gan dà tih  jơnhang, git nđờ jơt na\ cau kuang,  cau ling mờ kong nhơn sền gàr dà lơgar bơh kong ti Bình Dương, Trung đoàn 710, di Binh đòan 15 neh bal mờ  ào pơ đồng, canô, phan sa đèng sòl àng, neh bal mờ ling sền gàr nhàr lơgar tàm do neh mhar tus tàm [òn làng bol gơbàn dà kơryan mo tơn tàm ngai. Làng bol neh bal mờ ala\ phan bơna kuơ geh ai tơlik bơdĩh tiah dà cò mờ ca nô. Mo tơn tàm mang, jơh 90 hìu nha\ làng bol neh geh ai anih ơm, ơnih bic tềng pôs đồng  ling sền gàr nhàr lơgar rềp ngan  rlau jơh.

Dà cò  soat, git nđờ jơt nơm hìu tàm 3 xã tiah nhàr lơgar Cư\ Prông bal mờ git nđờ jơt lồ phan tam, git nđờ rhiang nơm phan ròng dờng, iar, ơda mờ git nđờ tơmàn pria\ phan bơna làng bol tàm [òn gơbàn dà cò pơrdô. Bulah bè hơ\,  kơnờm geh tus dong kờl mo di pal bơh kuang bàng, cau ling mờ kong nhơn sền gàr  dà lơgar Binh đoàn 15, tàm  do ờ gơbàn lơh chơt cau. Ngoh rngac tềng broa\ lơh bơh cau ling, kong nhơn sền gàr dà lơgar bơh Binh đoàn 15, ồng Trần Hòang Gia, làng bol tàm mpồl lơh sa sồ 14, xã Ia Puch, kơnhòal Cư\ Prông đơs:

Mìu càl dờng gơlik geh bơh bơta he ờ kờ`, Binh đoàn geh sền gròi tus ala\ kòn sau la bol a` kờ` ngan bloh. Bơh ngai òr, Binh đoàn tus, kong ti tus, Bộ tư lệnh cau ling sền gàr nhàr lơgar tus còp gal ngan. Làng bol bol a` ngoh rngac ngan.

Tu\ do,  nàng dong kờl làng bol [òn lơgar geh rài kis bè ờs wơl, Binh đoàn 15 neh bal mờ ala\ mpồl tàm do tơn ai cau tus dong geh lơh niam wơl ala\ hìu bơsram mầm non kờ` kòn dềt geh lòt bơsram wơl mờ dong kờl git nđờ rhiang ngai lơh broa\ dong làng bol lơh wơl hìu. Bal mờ hơ\,  Binh đoàn 15 neh dong kờl mờ pria\ mờr 300 tơlak pria\ kờ` làng bol geh gơtùi mut lơh sa wơl, mpồl  cau lơh sơnơm bơh Binh đoàn neh tus mo nàng pơlam làng bol  lơh sàng dà nàng geh dà ngui sa, lơh kloh tiah kis, ba` lời gơlik kòp tê jê sa\, jê ndul gơlik geh.

Tềng bơta nisơna bơh trồ tiah, tu\ do,  ala\ mpồl tàm Binh đoàn 15 tàm tiah nhàr lơgar Cư\ Prong, càr Gia Lai gam pơnjat tai mut lơh ala\ broa\ lơh àng lơh lài tam dra\. Đại tá Lưu Văn Đoàn, Chính ủy Trung đoàn 710, Binh đoàn 15 ai git:

Ơm tàm ù tiah sùm gơlik geh  tih dà, dà ko\ dà cò, pah nam  bol a` drờm geh rcang lài broa\ lơh dong làng bol, Nhai mìu tus,  mblàng pơlam   lam sồr làng bol, kong nhơn kơt wơl hìu đam, lơh kơ\ wơl hìu. Tu\ dà gơguh tih, bol a` rcang tus dong mo, git anih  sùm gơbàn dà cò, dà jơnhang,  ai mpồl cau, phan bơna, mblàng làng bol ba` di lòt tềng hơ\ mờ dà gơguh tih den ai làng bol tus tiah jơnhua rlau, ngan la kơnòm dềt mờ  cau kra.

Ala\ broa\ lơh bơh cau kuang,  cau ling mờ kong nhơn sền gàr dà lơgar di Binh đoàn 15 tàm tiah nhàr lơgar Cư\ Prông ờ mìng dong lơh tam klac đềt mềr bơh mpồ mờ làng bol tàm do mờ gam lơh kơ\ kơljap tiah nhàr lơgar bơh ù tiah đah tô Tây Nguyên.

Cau mblàng K’ Brọp