VOV4.K’ho – Mờ jơnau kờ` jơh ală kơnòm dềt ndrờm geh sa tềp Trung thu, ală gah lơh broă geh gơnoar mờ uă mpồl cau, cau dùl nă să is tàm càr Gia Lai gam lơh ală broă lơh geh kuơ ngan wèt tus kơnòm r[ah, kơnòm kòn đời mờ kơnòm kue\t kơlte.

        Ală ngai do, bơdìh mờ broă bơsram sră, ùr pơgru mờ kơnòm bơsram tàm Trung tâm Ròng siam sền gàr lơh pràn wơl să jan bán trú ai cau gơtìp sơnơm khih dioxin lơh aniai càr Gia Lai dê gam tàp ală jơnau đơs crih, bơta tam ya chờ hờp chờ hờ` ngan, duh hồl nggồr nggàc mờ hô hơ ngan rơcang wa\ rò sa tềp Trung thu.

Ùr pơrgu H’Khuin pà gi\t, ală ngai do, uă mpồl cau, cau dùl nă să is geh nùs nhơm niam neh tus bơyai lơh nhơl chờ hờp, đơs crih tam ya mờ pà 20 nă oh dềt tàm do in uă phan pà geh kuơ ngan bè sră măy, sră cih, phan nhơl, đèng gu\.

Ală phan pà hơ\ ờ dờng bè priă mơya bềng nùs kờ` gơboh mờ bơta sền gròi gơ wèt tus mờ ală kơnòm ờ bơtuah bơtoài tàm rài kis. Ờ mìng bơyai lơh nhơl chờ hờp tàm trung tâm lơm, lồi poh do, di tàm dơ\ sa tềp Trung thu, ală oh dềt tàm do geh ai lòt còp, nhơl đah bơdìh.

Trung thu nam do, trung tâm geh ai ală oh in lòt nhơl tàm sươn nhơl Diên Hồng, [òn dờng Pleiku. Tus tàm hơ\, bal mờ broă ai ală oh in nhơl chờ hờp, đơs crih tam ya, ală pơgru geh yal bè ală phan puan jơng ơm kis, sàu sa bè lơi nàng ală oh in geh tai bơta gi\t wa\. Ală oh kờ` ngan, chờ hờp ngan kơ\p tus ngai sa tềp Trung thu.

Tàm Trung tâm Sền gàr dong kờl mpồl bơtiàn tàm bơrlu\ bal càr Gia Lai dê, mờr 90 nă oh dềt kòn đời gam geh tus nhơl chờ hờp bal tàm nùs nhơm chờ hờp duh hồl bơh sa tềp Trung thu dê.

Tàm hìu sồ 2, 17 nă oh mi bal mờ cau mè drơng broă tam pà gơs jat mpồl nàng rơcang [a` kèu, đèng gu\. Oh Rơ Lah H’Lan mờ ală oh mi gam tàp ală jơnau đơs crih tam ya nàng pơgồp bal bơta chờ hờp tàm mang chờ àng kơnhai ndar me.

Nàng rơcang ai trung thu in, den bol kòn geh lơh sơl đèng ồng sơma`. Trung thu den bol kòn lơh đèng sơma`, tàp tam ya đăng grài, đăng ya rơmìs. Trung thu bol kòn pơs wàs hìu đam, rơndăp tăp sèng wơl phan bơna nàng gơ in sàng goh, lòt rò đèng lòt nhơl bal mờ ală bơyô. Oh gơlơh chờ hờp ngan, tài geh ală pơgru bơyai lơh ai bol kòn nhơl chờ hờp.

        Bal mờ jơnau kờ` wèt tus kơnòm r[ah, kơnòm geh rài kis kal ke uă ir, siơ\u siar, hoàc hươr tàm rài kis, sa tềp Trung thu nam do, Dơ\ lơh chờ mang chờ àng kơnhai ndar me bơh càr Gia Lai dê geh bơyai lơh tàm kơnhoàl tiah ngài ngan Phú Thiện.

Tàm do, Sở Lao động, Thương binh mờ Xã hội Gia Lai geh pà 350 bơnah phan, tơl bơnah phan kờp mờ priă là 250 rbô đong ai ală kơnòm bơsram r[ah, kơnòm bơsram lơh ngan pơđơl pràn sơrlèt gan tàm rài kis.

Mờ tàm dơ\ do càr Gia Lai kung bơyai lơh sơl ngai chờ trung thu mờ jàu pà rlau 600 bơnah phan ai kơnòm dềt kòn cau tàm [òn tiah sar lơgar ngài Bi Yông, xã Pờ Tó, kơnhoàl Ia Pa in.

Mò Tạ Thị Anh Đào, Giám đốc Trung tâm Sền gàr dong kờl mpồl bơtiàn tàm bơrlu\ bal càr Gia Lai pà gi\t, sa tềp Trung thu nam do, kơnòm r[ah, kơnòm kòn đời geh rài kis kal ke ờ mìng geh sền tam ya đăng grài, sa [a` kèu, lòt rò đèng gu\ mờ gam geh dờp geh bơta kờ` gơboh, tam pà bal bơh mpồl bơtiàn dê.

Bơh sơnrờp bol a` bơyai lơh sa tềp trung thu tàm trung tâm nàng ală oh in geh tu\ tơngai ram mhu\t bơh dùl hìu bơnhă dê. Bal mờ hơ\, bol a` pơgồp bal mờ bàr pe nă cau geh nùs nhơm niam, anih lơh broă, mpồl ling klàng bơyai lơh dơ\ lòt nhơl đah bơdìh, nàng ală oh in sền go\ geh ală mpồl cau, cau dùl nă să is sùm kờ` gơboh, pơndờm pơndiang ală oh nàng ală oh sơrlèt gan tàm rài kis, lơh ngan pơđơl pràn tàm rài kis.

Trung thu nam do, ală oh geh sền go\ ờ mìng ală mơi wa tàm trung tâm lơm kờ` gơboh ală sau mờ ală sau gam geh tai mpồl bơtiàn kung sền gròi sơl. Ală sau geh dùl hìu bơnhă gơboh gơbài chờ hờp.

Mờ bơta rơcang bơh càr dê, mpồl lơh sa kă bro mờ uă cau geh nùs nhơm niam, trung thu nam do, kơnòm r[ah, kơnòm kòn đời mờ kơnòm kue\t kơlte tàm Gia Lai geh nhơl chờ hờp trung thu wil tơl tàm bơta chờ hờp chờ hờ` ngan, duh hồl hô hơng mờ bềng bơta kờ` gơboh!

Cau mblàng Lơ Mu K’Yến