VOV4.K’ho - Kờ` tam dră mờ bao gờ` bal mờ bao rềp jơi nòi bal tàm tiah làng bol kòn cau, mpồl tam klăc cau ùr kơnhoàl Cư\ Sê, càr Gia Lai neh crơng gơs g^t ndờ 10 mpồl lơh broă do. Mờ uă broă lơh niam, ală cau tàm mpồl neh lam sồr geh g^t nđờ 10 nă cau sơbì nùs nhơm kờ` bao gờ` mờ bao rềp jơi nòi bal, mờ là broă lơh lài ngan kờ` mpồl tam klăc cau ùr càr Gia Lai tơnguh uă tus mờ ală tiah ndai.

Tài hìu nhă ờ geh cau, mè bèp neh kra ờ sô lơh broă, bu\ lah ờ hềt tus 18 sơnam, mơya oh Rơ Mah H’ Dêr, kòn cau Jarai kis tàm [òn Gran, xã Ia H’ Lôp, kơnhoàl Cư\ Sê mòng “Jòi bao” kờ` geh cau tam pà bal broă hìu nhă. Tơnơ\ mờ tu\ kơno jơnau yal do, ală cau tàm mpồl “Đơs ờ mờ bao gờ` mờ bao rềp jơi nòi bal” gơwèt mpồl cau ùr xã Ia H’ Lôp neh di tu\ kơrian.

                                  Tài bao gờ` den tàng uă kòn ùr dềt ờ hềt tòm 18 sơnam neh gơs mẹ

Tàm ală tu\ trồ mang, ală oh mi cau ùr tàm mpồl tus hờ hìu boh bơr, mblàng kờ` oh H’ Dêr in wă bè broă bao tu\ ờ hềt tơl sơnam, ờ mìng tìs mờ adăt boh lam mờ gam lơh aniai tus mờ bơta pràn kơl dang să jan tai. Tu\ neh wă, oh H’ Dêr ơm ing jòi bao mờ kơ\p tus tu\ lơi neh dờng hơ\ sồng bao:

-Tu\ sơnrờp a` ờ dờn ală cau tàm mpồl đơs. Tơnơ\ mờ hơ\, ală cau tàm mpồl tus tai 2, 3 dơ\, hơ\ sồng a` kơlôi wơl ală jơnau mờ cau tàm mpồl đơs là di. Sền cau ndai deh kòn gờ`, ờ g^t sơnka sền gàr, ờ geh dà toh kòn in pô; dan lơh broă ơpah kung ờ gơtùi tài sơnam gam dềt. Sền go\ bè hơ\ glar ngan, a` g^t là bao gờ` den glar, den tàng a` pal kơ\p tus 22 sơnam hơ\ sồng a` bao. Tu\ hơ\ a` neh dờng rơlao.

Xã Ia H’ Lốp geh tus 8 [òn làng bol kòn cau. Pah nam, tơl [òn geh bơh 2 tus 3 ùr bơklao bao gờ`, ha là bao rềp jơi nòi bal. Mìng is, geh ală kòn ùr mìng rơ\p 14, 15 sơnam neh geh bao, geh ờ uă kơnòm bơsram phổ thông sơbì bơsram kờ` jòi bao. Tềng đăp mờ bơta do, xã Ia H’ Lốp geh rơwah lơh xã lam lài kờ` bơ\t bơtàu mpồl “Đơs ờ mờ bao gờ` bal mờ bao rềp jơi nòi bal” sơnrờp ngan kơnhoàl Cư\ Sê dê.

  Bao gờ` gơbàn aniai uă ngan tus mờ broă tơnguh bơtàu lơh sa mờ bơta pràn kơl dang să jan cau ùr kòn cau tàm càr Gia Lai

Jăt mờ hơ\, pah tu\ geh ùr bơklao lơi kờ` bao gờ`, cau tàm mpồl geh tus hờ hìu lam sồr, bơto sồr bè adăt gùng tam bao mờ hìu nhă, mờ mblàng ală bơta gơrềng ờ niam bè bơta pràn kơl dang să jan deh dùh, sền gàr, sơnka kòn gam dềt gơwèt mờ ală cau tàm hìu nhă, ai geh broă tam gơl bè jơnau g^t wă, lam sồr ală cau neh tàm gơboh bal ơm ing broă kờ` bao gờ` mờ bao rềp jơi nòi bal. Gơwèt mờ ală cau kal ke tàm broă lam sồr, mpồl do geh kơnờm tus mờ broă dong kờl bơh kuang bàng lơh broă tư pháp, kuang atbồ [òn, cau geh bơngă pin dờn, kra [òn. Mò Rơ Mah H’ Kráo, atbồ mpồl cau ùr xã Ia H’ Lốp, atbồ mpồl pà g^t, mìng tơnơ\ mờ rơlao 1 nam lơh broă, mpồl do neh lam sồr geh mờr 20 nă cau tàm gơboh bal sơbì bao gờ` mờ bao rềp jơi nòi bal.

-Lài ngan den lam sồr kờ` ală cau hơ\ in g^t bè bơta ờ niam tu\ bao gờ`, tơnơ\ mờ hơ\ tìp mờ cau pròc mhàm bal mờ jơi nòi, tơnơ\ mờ hơ\ tai, geh mblàng kờ` ală oh kòn cau hơ\ in g^t ba` bao gờ`. Dùl dơ\ cau hơ\ ờ dờn den he lam sồr bơkiar bal tàm ală dơ\ pơrjum mpồl lơh broă do bal mờ mpồl cau ùr mờ pơrjum [òn. Broă do kal ke ngan, mơya he pal lơh ngan jòi tơl bơta kờ` lam sồr cau hơ\ pal geh cồng nha.

Bơh cồng nha lài ngan mpồl neh lơh geh “Đơs ờ mờ bao gờ` mờ bao rềp jơi nòi bal” tàm xã Ia H’ Lốp, tu\ do, mpồl tam klăc cau ùr kơnhoàl Cư\ Sê neh crơng gơs tai 15 mpồl tàm ală xã, thị trấn, kờp jơh geh 433 nă cau. Ờ ơm wơl tàm broă lơh tàm ală [òn làng bol kòn cau, bơh bồ nam tus tu\ do, geh ờ uă mpồl neh pơgồp bal mờ Phòng tư pháp kơnhoàl bơyai lơh lam sồr ai mờr 1 rơbô 600 nă kơnòm bơsram cấp 2 tàm ờ uă hìu bơsram geh gal kơnòm bơsram kòn cau.

       Mò Đinh Thị Tuyết Nhung (Cau nggui dơ\ 2 bơh đah kiao) Phó Chủ tịch mpồl tam klăc cau ùr kơnhoàl Cư\ Sê

Mò Đinh Thị Tuyết Nhung, Phó Chủ tịch mpồl tam klăc cau ùr kơnhoàl Cư\ Sê pà g^t, nam lài neh go\ mờ kơrian geh cồng nha rơlao 30 dơ\ bao gờ`:

-Bơsìh mờ broă lam sồr tàm [òn, bol a` lam sồr tàm hìu bơsram, kuơ màng là tàm hìu bơsram nội trú. Broă lam sồr pal geh pơgồp bal mờ tư pháp, kuang àng xã, tàm hơ\ geh bal kra [òn, cau geh bơngă pin dờn. Uă ngan là tu\ kờ` geh tai cau tus lơh broă mờ mpồl geh oh kòn tàm sơnam do, bol a` lam sồr tàm mpồl. Tus tu\ do, bol a` go\ mpồl lơh broă geh cồng nha.

Cồng nha bơh broă lơh mpồl “Đơs ờ mờ bao gờ` bal mờ bao rềp jơi nòi bal” tàm kơnhoàl Cư\ Sê, tu\ do mpồl tam klăc cau ùr càr Gia Lai neh tơnguh uă broă lơh do bơh 15 tus 17 kơnhoàl, thị xã, [òn dờng tàm gùt càr, mờ kờp jơh khà geh 55 mpồl mờ 1 rơbô 500 nă cau. Mờ ală broă lơh geh bơceh pa mờ lơh ngan tàm broă lơh, ală mpồl do neh pơgồp bal tàm broă kơrian broă bao gờ` mờ bao rềp jơi nòi bal tàm càr do dê.

Cau mblàng Ndong Brawl