VOV4.K’ho- Rlau 400 rbô lồ là bă ù bơh Tiah ơn prăp nhơm kis dunia kơh bơnơm Kon Hà Nừng mờ càr Gia Lai gam lơh sră nggan dan mờ Mpồl Bơto bơtê, Jak chài mờ Niam chài bơh Liên hợp quốc dê (UNESCO).

Do là ù tiah geh bơta li la phan kis uă, geh ală bơta is rơmis phan kis krơi is ngan bơh kơnhoàl ù tiah brê bơnơm tàm gùl Trường Sơn dê bal mờ bàr pe phan kis chi che brê bơnơm gam wơl bè ờs gam wơl tàm Việt Nam. Kuơmàng là mờr 2 rbô lồ brê tàm bơrlu\ bal nha dờng mờ nha jrum, mìng sền go\ tàm Kon Hà Nừng lơm tàm ală bă brê dờng màng Việt Nam dê.

Chi cục Kiểm lâm càr Gia Lai pà gi\t, Tiah ơn prăp nhơm kis Kon Hà Nừng tu\ geh dờp geh lơh 3 gơnoar broă: sền gàr ù tiah brê bơnơm, ală phan kis, ală jơi phan mờ sơntìl gen- tàm bơtờp bơh broă rơndăp lơh 2 tiah tàm dơlam bơh Brê dà lơgar Kon Ka Kinh mờ Tiah sền gàr brê bơnơm geh is Kon Chư Răng; pơgồp bơnah dong kờl, hòi jà bơtàu tơnguh lơh sa, mpồl cau lơh broă, kơ\ kơl jăp niam chài mpồl bơtiàn; pơgồp bơnah tă pơgồp tàm ală rơndăp broă lơh tàm ală gah broă lơh tiah ơm kis, bơto bơtê, kơlôi sơnơng.

Cau mblàng Lơ Mu K’Yến