VOV4.K’ho- Drim ngai 09/6, Ủy ban Mặt trận dà lơgar Việt Nam càr Gia Lai neh dờp priă dong kờl rơcang sơndră kòp Covid-19 bơh ală mpồl cau, mpồl lơh sa kă bro dê. Tàm dơ̆ dờp, geh 4 mpồl lơh broă, mpồl lơh sa kă bro, geh: Kong ti TNHH MTV xăng zờu tiah đah tô Tây Nguyên dong kờl 600 tơlak đông, Ngân hàng Sacombank dong kờl 50 tơlak đông, Kong ti bơtàu tơnguh hìu măi pờ tơlik ồs đèng Se San dong kờl 30 tơlak đông, Kong ti TNHH Khánh Hiền dong kờl 20 tơlak đông. Ủy ban Mặt trận dà lơgar Việt Nam càr Gia Lai jơh nùs cih dờp bơta dong kờl di tŭ bơh ală mpồl lơh sa kă bro, mpồl cau dê ai broă lơh rơcang sơndră kòp Covid-19 in, mờ kung kơp kờñ ală mpồl lơh sa kă bro, ală cau geh nùs nhơm niam pơn jat tai tơnguh kơnòl, lòt bal mờ gơnoar atbồ kơryan kòp.

Cau mblàng K’Duẩn