VOV4.K’ho - Mìng gam 10 ngai tai là tus satềp, cau tam bơkào satềp gam lơh ngan kờ` rơcang ală ntê bơkào, khàp bơkào niam ngan kờ` tăc tàm ală ngai satềp. tàm ală càr Tây Nguyên, ờ su\k ơm gam là nùs nhơm bal bơh uă cau tam bơkào tu\ drà kă bro ờ geh gal cau.
Tàm ală ngai do, hìu nhă bi Trần Thanh Hiền, kis tàm xã An Phú, [òn dờng Pleiku, càr Gia Lai tơnhào bơkào lay-ơn drơng broă satềp. Trồ tiah niam, bơkào nam do hòn ndrờm bal, bơkào dờng, niam rơlao mờ ală nam.
Bi Trần Thanh Hiền tơnhào bơkào lay-ơn
Mơya bơta lơh bi Hiền kung bè uă cau tam bơkào lay-ơn ờ su\k ơm là tu\ do cau blơi bal mờ khà priă gơmù uă ngan, priă geh bơh tăc bơkào di gơlan gơrềng bal:
-Nam do, bơkào niam, lì niam mơya khà priă den gơmù rơlao mờ nam lài uă ngan. Khà priă nam do gơmù pơn drờm mờ nam lài mờr nggùl. Bè nam lài, tăc uă geh bơh 30 tus 35 rơbô priă tàm dùl căp, mơya tu\ do tăc mìng geh bơh 18 tus 20 rơbô priă tàm dùl căp mơ.
Bal mờ ală bơkào tăc ntê, ală bơkào tam tàm khàp kung geh ală cau tam bơkào tàm càr Gia Lai rơcang nền nòn ngan sơl.
Cau tam bơkào sơnka nền nòn tơl khàp bơkào cúc
Sền gàr, sơnka nền nòn tus tơl khàp bơkào cúc, gam lì uă bơkào, ồng Nguyễn Tấn Dũng, kis tàm tổ 6, xã Trà Đa, [òn dờng Pleiku pà g^t, bơkào cúc nam do niam, di gơlan geh lì di tàm satềp, mơya ồng kung gơlơh ờ su\k ơm, tài nam do boă lơh sa làng bol gơmù uă, di gơlan lơh gơrềng bal tus mờ broă blơi bơkào di satềp:
-Tus lồi nam den hơ\ sồng geh priă bơh broă tăc bơkào, mơya tềng đăp măt den a` go\ drà kă bro ờ hềt geh niam ngan jăt mờ satềp nam do, gơmù rơlao mờ nam lài. Broă satềp den ờ hềt g^t geh priă bè lơi, kă bro geh bè lơi.
Satềp neh mờr tus, cau tam bơkào satềp tàm càr Gia Lai gam lơh ngan kờ` geh ală bơkào lì niam ngan ai nam pa in. Tàm ală bă suơn, cau l^k lơh broă geh sùm di tàm lồi nam, tơl^k loh bơh ală mpàng tê cau tam bơkào. Rơlao mờ cau lơi jơh, ală cau tam bơkào gam kơ\p geh bơta bơtoah bơh drà kă bro, kờ` satềp do geh uă bơta chờ.
Cau mblàng Ndong Brawl
Viết bình luận