VOV4.K’ho – Kuang atbồ Kuang àng càr Gialai neh ki\ kơrnuat tơnguh groat bơh Thượng sĩ tus Thiếu úy ai kuang àng Búi Minh Quý in, chơt phi să tàm tu\ lơh kơnòl broă dong kờl cau. Bi Quý là pơn rơ niam bè bơta jơh nùs tàm broă lơh, khin cha dong kờl cau:

Đại tá Vũ Văn Lâu, Kuang atbồ Kuang àng càr Gialai neh ki\ kơrnuat tơnguh groat bơh Thượng sĩ tus Thiếu úy lài mờ tơngai pơrgon ai bi Bùi Minh Quý in (25 sơnam, [òn tờm tàm xã Thanh Hương, kơnhoàl Thanh Liêm, càr Hà Nam), lơh broă tàm Mpồl kảnh sát rơcang sơndră crùh ồs sa mờ dong kờl rềs àr tàm tiah An Khê (gơwèt Phòng kảnh sát rơcang sơndră crùh ồs sa mờ dong kờl rềs àr Kuang àng càr).

                                    Dơ\ ies [ồc bi Bùi Minh Quý

Lài hơ\, mho ngai 3/3, Mpồl kảnh sát rơcang sơndră crùh ồs sa mờ dong kờl rềs àr tàm tiah An Khê, Kuang àng càr Gialai klo jơnau yal bơh làng bol dê bè dùl nơm rơndeh dờng pơndiang tàu gơtìp kòl tàm bơ tơt lìu dà gan hìu mai\ sơdàng An Khê, di sơnah [òn Ngô Mây, thị xã An Khê. Tài rơndeh gơtìp chơt mai\, cau mai\ rơndeh gơtìp kòl tàm ca bin, dà den ngai sơlơ gơguh tih, pơhìn tus màng kis cau mai\ rơndeh dê.

Tu\ do, Thượng sĩ Bùi Minh Quý, bơsram di mờ broă lơh mờng chài bi dê, pa rơp 25 sơnam, gam kơnòm să, pràn kơldang mờ re dà jak ngan tai, den tàng bulah ờ di là ngai lơh broă bi Quý dê, mơya bi Quý kung kờ` lòt dong kờl cau. Tus tiah gơlik geh bơta aniai, Quý là cau atbồ tiểu đội dong kờl rềs àr, 5 nă cau gam wơl ndrờm là kuang àng lơh kơ nòl broă.

Thiếu tá Trần Đăng Khoa, atbồ Mpồl kảnh sát rơcang sơndră crùh ồs sa mờ dong kờl rềs àr tiah An Khê ngoh rơngac pà git, ngòt cau lơh broă bal ờ huan chài, tơnơ\ mờ tu\ rơcang che, phan pơr đồng dong kờl cau, bi Quý neh dùl nă să is re tàm dà tih.Ni sơna, dà cò tus mhar mờ `hang ngan. Bơta pràn să jan bi dê ờ jai dră wơl mờ dà ko\ pơr dô `hang, ală cau lơh broă bal ơm tềng gah dà dờng kung ờ gơtùi lơh bơta lơi:

“Tiểu đội dong kờl rềs àr geh nđờ nă oh mi đơs là kờ` dong kờl, mơya Quý ờ ai, Quý đơs là tiểu đội ndrờm là oh mi lơh kơ nòl. Quý gam re bè ờs, ờ geh bơta lơi, mơya tu\ tus rềp să rơndeh den dà hòr `hang ir, lơh bi Quý gơtìp gơ tơm să jan tềng rơndeh. Tu\ gơtìp tơm bè hơ\ den sơ ngoài, chơt iơh tơn, dà cò pơr dô mut tàm trồm lu\ tơn, ờ gơtùi hoài dui\. Oh mi kờ` re dong bi, mơya ờ cau lơi ai, tài dilah re nàng dong den ngan là geh cau chơt tai.”

Tơnơ\ hơ\, kuang đơng lam Mpồl kảnh sát rơcang sơndră crùh ồs sa mờ dong kờl rềs àr tiah An Khê jal mhar hòi điện thoại UBND thị xã An Khê mờ Hìu mai\ pờ tơlik ồs đèng An Khê Ka Nak in, sồr ơm ờ yuh dà nàng dong cau. Bulah bè hơ\, tơnơ\ rlau 1 jiơ tơnơ\, den hơ\ sồng dà gơ hoài soat, ală cau lơh broă bal jòi bàl bi Quý tàm dùl trồm lu\, đah đơm bơ tơt lìu dà tơn. Bi gơtìp kòl mờ neh chơt phi să tàm do.

Tu\ 1 jơ mho ngai 04 nhai 3, tàm hìu lơh broă Mpồl kảnh sát rơcang sơndră crùh ồs sa mờ dong kờl rềs àr tiah An Khê, dơ\ ies bồc Thiếu úy Bùi Minh Quý geh bơyai lơh tàm bơta ngoh rơngac nđàc sơnggit ngan. Gal ngan ală mpồl lơh broă geh gơnoar, kuang bàng, cau lơh broă mờ làng bol tàm An Khê neh tus ies bồc bi. Tơnơ\ hơ\, bi geh jun rê tơp hờ [òn tờm tàm xã Thanh Hương, kơnhoàl Thanh Liêm, càr Hà Nam.

Ală cau lơh broă bal bơh Thiếu úy Quý dê pà git, tàm broă lơh, bi Quý nhap nhar, ngac ngar ngan, tu\ lơi kung kờ` lòt lơh kơnòl broă bulah khat tàm tu\ lơi, bulah ờ di là ngai lơh broă. Quý sùm lơh jơh jal ngan ală kơnòl broă geh jàu. Ai tàm rài kis, Quý kis niam ngan mờ geh oh mi lơh broă bal, tơl nă cau kờ` ngan.

Geh git, Quý kung gam lơh sră nggal nàng mut Đảng. Bal mờ hơ\, bi neh geh cau kờ` gơboh tàm An Khê, rơcang nam do bơyai lơh jun bau. Mơya jơh ală bơta hơ\ ndrờm gơtìp sang lời jơh.

Ală cau lơh broă bal rềp mềl bơh Thiếu úy Bùi Minh Quý dê kung pà git, rài kis hìu bơnhă bi dê kal ke ngan. Bi là kòn dùl tàm hìu bơnhă r[ah, bèp bi dê gơtìp kòp ờ niam tàm tơngoh, mè bi dê den sùm gơtìp kòp jê.

Ồng Nguyễn Hùng Vỹ, Chủ tịch UBND thĩ ã An Khê pà git, git loh rài kis kal ke bơh Thiếu úy Bùi Minh Quý dê, ală mpồl bal, ală gah lơh broă gam lam sồr dong kờl jun cau kuang àng kơ nòm să rê hờ tiah ơm rlô dut ndơl. Bơh hơ\, kung geh priă nàng sền gròi mè bèp bi in tu\ ờ gam cau lơi nàng ròng siam, kơlôi rơcang tai:

“Quý ờ di là ngai lơh broă mơya kờ` lòt dong kờl. Tài bơsram di gah broă lơh ờs mờng, gam kơnòm să, pràn kơldang, re dà jak tai den tàng kờ` lơi. Nđàc sơnggit ngan. Hìu bơnhă den mè neh kra, ờ sô tai, bèp kra den gơbàn kòp ờ niam tàm tơngoh, Quý là kòn dùl tai. Thị xã kung neh dong kờl 10 tơlak priă, hơ\ sồng hòi jà ală mpồl dong kờl hìu bơnhă bi Quý in tai.”

                                                                 Cau cih mờ yal tơnggit K’Duẩn