VOV4.K’ho- Ngai òr (8/10), Tỉnh ủy Gia Lai bơyai lơh Pơrjum Ban chấp hành Đảng bộ càr dơ\ 14, khóa 15 rề ơnàng, nàng sền sơ wì cồng nha broă lơh 9 nhai bồ nam mờ gùng dà broă lơh tờm broă lơh 3 nhai lồi nam 2018.

 9 nhai do, ală broă lơh lơh sa, mpồl bơtìan bơh càr Gia Lai dê, kuơ màng lơh gơs jat jơnau kờ` bơh Nghị quyết Đảng bộ càr dê ai tơlik. Bàr pe broă lơh gơguh uă pơndrờm dùl tu\ mờ nam lài, bè: lơh sa mờ ma\y mok lơh geh mờr 14.000 tơmàn priă, gơguh 10%;  priă lơh geh bơh broă tăc phan mờ lơgar ndai, lơh geh 350 tơlak dolar Mỹ, gơguh mờr 4%.

  Pơrjum kung sơ`io ală bơta kal ke ờ hềt gơtùi geh lơh, ờ hềt pràn tàm broă bơtàu tơnguh lơh sa- mpồl bơtìan. Pal sền ngan là, broă rơndap ai ù tiah, atbồ ù tiah, phan bơna tàm ù gam uă bơta ờ niam; khà priă tăc ală phan bơna lơh bơh suơn sre tờm bè: kơphe, tiêu, kao su, gơmù uă neh lơh aniai uă tus priă lơh geh mờ rài kis làng bol dê… 

Cau mblàng K’ Hạnh