VOV4.K’ho - Mpồl đơng lam sơndră mờ kòp Covid-19 càr Gia Lai pa tơlĭk rơndăp broă bè gàr broă lơh sơnơm mờ niam ờ do ờ dă tàm broă sơndră mờ kòp Covid-19 ai dơ̆ tĕ khà kuang bàng Quốc hội khoă 15 mờ kuang bàng Hội đồng Nhân dân ală cấp tơngai bơh nam 2021 tus 2026.

Tơngu me bơh rơndăp broă dê là gàr niam broă lơh jăt ndrờm bal broă lơh sơnơm nàng sền gròi nền nòn mờ kơrian kòp Covid-19 gơmŭt tàm càr; mờ gàr niam broă lơh sơnơm, kloh niam ờ do ờ dă tàm phan sa, di tŭ bơsong tŭ gơtìp ală bơta ni sơna gơbàn mờ niam ờ do ờ dă bơta pràn kơl dang să jan ai cau tơlĭk măt tĕ khà, kuang bàng tus bal ală mpồl tĕ khà mờ cau tĕ khà lài tơngai tĕ khà, tàm tơngai geh bơyai lơh ală broă tĕ khà. Jăt mờ hơ̆, jơnau sồr geh ai 100% anih tĕ khà tàm càr ngui ală broă sơndră mờ kòp Covid-19; geh lơh kloh vi khuẩn mờ dà Chloramin B lài mờ tơnơ̆ mờ dơ̆ tĕ khà; ală broă lơh bơh dơ̆ tĕ khà geh lơh tơl jơnau sồr 5K bơh Bộ Y tế dê.

Cau mblàng Ndong Brawl