VOV4.K’ho - Kờñ lơh jăt kơnòl dơ̆ lĕ bal geh rơcang sơndră mờ kòp Covid-19 mờ geh sùm ală broă lơh sa, tơngai do, càr Gai Lai neh geh uă broă lơh nàng gàr niam broă pơn diang phan kă bro, tàm hơ̆ uă ngan là broă kă bro tàm tiah mpồng nhàr dà lơgar Dunia Lệ Thanh, kơnhoàl Đức Cơ.

Broă lơh kloh vi khuẩn rơndeh pơn diang phan geh lơh bơh broă lơh sa suơn sre tềng mpồng nhàr dà lơgar Lệ Thanh

Bơh bồ nam tus tŭ do, broă kă bro gam mpồng nhàr dà lơgar Dunia Lệ Thanh (kơnhoàl Đức Cơ, càr Gia Lai) sùm geh gàr niam broă lơh, geh khà priă di pơgăp 90 tơlăk dolar Mỹ, gơguh 78% pơn drờm mờ tŭ do nam 2020. Tàm hơ̆, broă kă bro (mìng là phan geh lơh bơh broă lơh sa suơn sre) geh 62 tơlăk dolar Mỹ, gơguh 2,5 dơ̆. Ồng Hoàng Lương Quang, Kuang atbồ Chi cục Hải quan mpồng nhàr dà lơgar Dunia Lệ Thanh-Cục Hải quan Gia Lai-Kon Tum pà git, mpồl cau hải quan càr Gia Lai neh pơgồp bal nền nòn mờ mpồl cau lơh sơnơm, mpồl ling sền gàr tiah nhàr dà lơgar lơh jăt nền nòn ală kơrnoăt tàm broă rơcang sơndră mờ kòp Covid-19 tàm tiah ntrờn pơn diang phan kă bro.

Cau mblàng Ndong Brawl