VOV4.K’ho- Tus tŭ do, tàm càr Gia Lai geh 7 tàm khà 14 rơndap broă lơh ồs đèng càl neh lơh gơs, di tŭ mut tàm gùng che ồs đèng dà lơgar, geh kờp khà priă FIT (hơ̆ là khà priă ồs đèng dong kờl) jat Kơrnuat sồ 39 nam 2018 bơh Thủ tướng Chính phủ dê.

7 rơndap broă lơh geh: rơndap broă lơh Ia Pết- Đăk Đoa 1, rơndap broă lơh Ia Pết- Đăk Đoa 2, rơndap broă lơh Nhơn Hòa 1, rơndap broă lơh Nhơn Hòa 2, rơndap broă lơh Cửu An, rơndap broă lơh Ia Bang 1, rơndap broă lơh HBRE. Kờp jơh bơta pràn pờ tơlik ồs đèng bơh 7 rơndap broă lơh dê là mờr 563,4 MW. Do ndrờm là rơndap broă lơh ồs đèng càl geh dờp priă blơi ồs đèng dong kờl jat kơrnuat sồ 39 bơh Thủ tướng Chính phủ dê, ndrờm mờ 1 rbô 934 đong dùl kWh, tàm pơgap 20 nam.

Cau mblàng K’Duẩn