VOV.K’ho-Tàm 5 nam rềp ndo, kờp bal pah nam tàm Gialai geh rlau 100 dơ\ lơh tìs mờ cau lơh tìs là ruh pơnu. Jơnau pal đơs ngan là khà dơ\ lơh tìs ngai sơlơ gơguh jơh bal bè khà dơ\ mờ bơta ngòt rơngơ\t.

Trồ mang ngai 10/12/2017, Nguyễn Thị Thu Thảo, kơnòm bơsram ơdu\ 12 A4, hìu bơsram kấp ba Mạc Đĩnh Chi, thị trấn Chư\ Păh, càr Gialai bơyai lơh tơngkah kir sơnrai ngai deh tàm dùl hìu đơs karaoke.

                         Cau lơh tìs tàm sơnam pa dờng tàm Gialai ngai sơlơ gơguh uă ta

Năc jà geh 17 nă gơ\p bơyô dùl nrơh nrang bal, tàm hơ\ geh oh Nguyễn Triều Phú (kơnòm bơsram hìu bơsram kấp ba Ialy) bal mờ bàr pe nă ơruh pơnu tàm tiah do. Tàm dơ\ sa tơngkah kir sơnrai ngai deh, mìng tài bơh dùl nă klau pơnu neh rlau i\t bìer lơh gơtuh sùh jơh jơng Nguyễn Triều Phú dê, mờ đah 2 mpồl gơlik jơnau tàm gơjra`.

Bulah geh gơ\p bơyô bơto tơngkah, đơs sơl, mơya 2 mpồl neh lik bơh hìu đơs karaoke tam lơh gơ\p. Lồi du\t, dơ\ tam lơh do neh lơh Nguyễn Triều Phú gơtìp srơ\p, chơ\t tàm gùng jun tus hờ hìu sơnơm nàng dong kờl.

Lài hơ\ tàm internet mpồl bơtìan Facebook, oh Đinh Hoàng Long, kơnòm bơsram kấp ba Nguyễn Chí Thanh, [òn dờng Pleiku, càr Gialai neh gơtìp dùl nă cau 16 sơnam ngui phàu mòn is cuh chơ\t tàm tiah đah bơdìh mpồng mu\t hờ hìu bơsram.

Mìng tàm 1 poh lơm, tàm Gialai geh 2 dơ\ lơh tìs nđàc sơngi\t ngan, mờ jơh bal cau chơ\t mờ cau lơh tìs ndrờm tàm sơnam pa dờng. Đơs bè bơta do, ồng Lê Văn Tàu, Hiệu trưởng Hìu bơsram kấp ba Mạc Đĩnh Chi, thị trấn Phú Hoà, kơnhoàl Chư Păh, càr Gialai, đơs bè do:

Jơnau dơ\ dùl lơh gơlik bơta do là tài ală oh kờ` tơngo\ să jan he, sơnam nggùl dờng, nggùl dềt. Dơ\ bàr tai là lòt jat gơ\p bơyô, tàm đòm jat gơ\p. Ngan là tu\ do, tàm [òn lơgar mờ rùp hin lơma, jơnau yal tàm internet, ală oh sùm nhơl den kung geh sơl bơta gơtờp.

Tu\ do, tàm thị trấn do geh uă ngan hìu đơs karaoke, ală hìu nhơl điện tử kung lơh aniai tus ală oh tàm broă bơto bơtê bồ tơngoh jơnau gi\t wa\. Dơ\ pe là atbồ bơh hìu bơnhă dê ờ hềt krà` cê ngan”.

Tu\ do, tàm broă lơh bơsram lơngăp lơngai tàm hìu bơsram, gah bơto bơtê càr Gialai rơcang lài pơgồp bal broă bơto bơtê kơrnoat boh lam tàm ală môn bơsram giáo dục công dân mờ bàr pe môn lơh broă bơdìh ơdu\ bơsram.

Mơya, jat ồng Lê Duy Định, Phó Giám đốc Sở Giáo dục mờ Đào tạo càr Gialai đơs, ală jơnau bơsram do kung gam kơ` jơ\ ir bè sră nggal. Den tàng bè hơ\, kơnòm bơsram, ngan là kơnòm bơsram kấp ba kờ` pal geh bơto tai bơta chài sơndră wơl, bơsong ală jơnau tam lơh digơlan gơtus nisơna, bơto jơnau gi\t wa\ bơsong jơnau gơlik geh nàng tơrmù [à bơta tam lơh mờ ală dơ\ lơh tìs gơrềng tus sơnam do. Mơya, jơnau do ờ hềt tu\ lơi geh ai bơto ngan ngồn tàm tu\ jiơ bơsram.

Ồng Lê Duy Định, pà gi\t: tơngai tus, gah bơto bơtê Gialai geh lơh uă broă, kuơmàng là pơgồp bal mờ ală anih lơh broă kuang àng kờ` kơryan, rơcang sơndră tam lơh mờ cau lơh tìs tàm hìu bơsram. Ông Lê Duy Định, đơs:

Kờp tus tu\ do, 100% hìu bơsram gơ wèt Sở Giáo dục mờ Đào tạo, 17 Phòng Giáo dục mờ Đào tạo tàm jơh gùt càr neh ki\ sră pơgồp bal mờ ală anih lơh broă kuang àng dùl kâp bal.

Sở Giáo dục mờ Đào tạo sồr ală hìu bơsram lơh pràn broă bơto yal, bơto bơtê kơrnoat boh lam tàm ală tu\ jiơ gờm chờ bùng bi bồ poh, lơh broă bơdìh tu\ jiơ bơsram, cribơyai, pơrjum, pơgồp bal tàm jơnau bơsram tàm tu\ jiơ bơsram ngan ngồn tàm ală môn đạo đức, giáo dục công dân, địa lý, lịch sử…tàm broă bơto bơtê rơcang sơndră tam lơh tam pờng tàm hìu bơsram mờ ală cau lơh tìs ndai”.

Tàm 5 nam rềp ndo, tàm càr Gialai gơlik geh 516 dơ\ lơh tìs gơrềng tus sơnam pa dờng, bal mờ hơ\ là 783 nă cau lơh tìs là cau pa dờng. Tu\ do, jơh gùt càr geh 805 nă ơruh pơnu kơnòm pa dờng gơ wèt cau geh dong kờl, lơh gi\t wa\ wơl, bơto bơtê gi\t gơjra` sang glài rê kis gơrờm bal wơl mờ [òn lơgar.

Jơnau lơh tìs kơrnoat boh lam bơh rơnàng kơnòm pa dờng dê tàm Gialai gam gơlơh bè ngai sơlơ gơguh uă jơh bal bè khà dơ\ mờ bơta ngòt rơngơ\t. Ồng Nguyễn Quang Qúy, Trưởng Phòng Dong kờl kơrnoat boh lam, di Sở Tư pháp càr Gialai, đơs bè do:

Gơnoar broă bơh ală anih lơh broă chính trị dê là dờng màng ngan. Dilah mờ [òn lơgar lơi gi\t ngan tơl nă cau, gi\t ngan tơl nă ơruh pơnu kơnòm pa dờng geh ală jơnau gơ tơngo\ tìs ờ di, digơlan lơh tìs kơrnoat boh lam den ală anih lơh broă chính trị gơtùi tus tìp, pơgồp bal mờ hìu bơnhă, hìu bơsram nàng bơto bơtê mờ rơcang sơndră.

Bơh sơnrờp tơn, dilah bol he lơh niam broă do den jơnau lơh tìs kơrnoat boh lam tàm ơruh pơnu kơnòm pa dờng digơlan gơmù sơl, gơtùi bơsong geh sơl”.

Ơruh pơnu kơnòm pa dờng là sơnam geh ală tam gơl dờng bè să jan, nùs nhơm mờ là sơnam lơh gơs nùs nhơm dùl nă cau làng bol dê.

Den tàng bè hơ\, broă pơgồp bal bơne\ bơnài đah hìu bơnhă, hìu bơsram mờ [òn lơgar tàm broă pơlam gùng, atbồ, bơto bơtê gơ wèt mờ rơnàng cau tàm sơnam do geh pơgồp bơnah geh kuơ tàm broă bơtàu tơnguh dùl rơnàng cau làng bol rài tơnơ\ do sền dờng màng kơrnoat boh lam, geh kuơ ai [òn lơgar, dà lơgar in!

            Cau cih mờ yal tơngit- Lơ Mu K’Yến