VOV4.K’ho-Lơh jat broă rơndăp lơh tơmu\t bal hìu bơsram, tơrmù anih hìu bơsram rah rài, tàm nam bơsram 2018- 2019 do, gah bơto bơtê mờ bơsram càr Gia Lai tơmu\t bal rlau 200 ơdu\ bơsram, gơmù gi\t nđờ jơ\t hìu bơsram mờ ntrờn gi\t nđờ rhiang nă kuang bàng atbồ tus lơh broă bơto bơtê.

Pơn jat hơ\, jơh ală 17 kơnhoàl, thị xã mờ [òn dờng tàm càr ndrờm geh lơh tơrgùm bal ơdu\, tơmu\t bal ală hìu bơsram kấp một mờ kấp hai; bàr pe hìu bơsram kấp hai geh tơmu\t bal tàm hìu bơsram kấp ba. Lồi du\t, jơh gùt càr gơmù geh 59 hìu bơsram, gơmù 205 ơdu\ bơsram bơh kấp ba tus mầm non.

Pal sền ngac là bàr pe kơnhoàl kal ke, bè: Kbang mờ Kông Chro là ală tiah gơmù ală hìu bơsram uă ngan rlau jơh wơl, bal mờ khà gơmù 7 hìu bơsram tàm tơl kơnhoàl. Broă rơndăp tăp sèng, bơyai lơh wơl ală hìu bơsram, ơdu\ bơsram dong gah bơto bơtê mờ bơsram càr Gia Lai gơmù 177 nă kuang bàng atbồ.

 Jơh ală mpồl cau do geh ntrờn tus lơh broă bơto bơtê tơn. Bal mờ hơ\, gi\t nđờ rhiang nă cau pơgru jơngkah tàm ală kơnhoàl, thị xã mờ [òn dờng [ươn [oài geh ntrờn rê lơh broă tàm tiah sar lơgar ngài nàng bơh hơ\ dong bơsong dùl bơnah jơnau ờ tơl cau pơgru.

Cau mblàng Lơ Mu K’Yến