VOV4.K’ho-Mpồl kuang bàng gròi sền bơh Hội đồng Nhân dân càr Gia Lai dê neh geh dơ\ lòt sền broă lơh jat broă ntrờ` ơm kis pa mờ bơta dong kờl ai ală hìu làng bol gơ ơm tàm tiah rơndăp broă lơh bơtơ\t dơng dà, hìu măy pờ tơlik ồs đèng tàm kơnhoàl Krông Pa.

Jat jơnau yal, jơh gùt kơnhoàl Krông Pa geh 4 broă lơh hìu măy pờ tơlik ồs đèng, bơtơ\t dơng dà gơrềng tus broă ntrờ` ơm kis, tàm hơ\ geh: tơnau dơng dà Ia Dreh, tơnau dơng dà Ia Mlah, tơnau dơng dà hìu măy pờ tơlik ồs đèng dà dờng Ba Hạ mờ tơnau dơng dà hìu măy pờ tơlik ồs đèng Dak Srông 3B.

Kờp jơh bă ù gơ wèt bơta geh ai wơl là rlau 2.800 lồ. Kờp jơh khà hìu bơnhă, anih lơh broă gơ wèt bơta ai ù lơh broă, tơm priă mờ ntrờ` ơm kis là 380 hìu. Kờp jơh priă tơm wơl là mờr 181 tơmàn.

Tus tu\ do, jơh ală hìu làng bol gơ ơm tàm tiah gơtìp gơrềng ndrờm geh tơm wơl priă, dong kờl dipal. Mơya, rài kis làng bol tiah ntrờ` ơm kis pa gam tìp uă ngan kal ke, kờ` pal geh sền gròi dong kờl bơtàu tơnguh lơh sa, lơh niam wơl phan bơna gùng lòt, lơh dà sàng kloh…

Cau mblàng Lơ Mu K’Yến