VOV4.K’ho-Jơnau mus brê, sơgràm ù brê kung gam gơlik geh kal ke ngan sơl tàm càr Gia Lai. Kuơmàng tàm ală tiah [òn lơgar bơtàu tơnguh, rềp mờ [òn dờng, bơta kơn jơ\ kơn ju\t tus mờ ù brê ngai sơlơ uă tu\ jơnau kờ` ù gơguh. Ală broă lơh nàng sơgràm ù brê kung ngai sơlơ rơlăc rơliang ngan sơl.

Gơl gùng pleh gùng Hồ Chí Minh lòt gan [òn dờng Pleiku, càr Gia Lai pa lơh gơs, priă ù tàm do geh lơh tơnguh uă ngan. {uơn ngan sền go\ ală bă brê nho jat kềng gah gùng, gơ wèt bă brê bơh Mpồl atbồ brê rcăng gàr bồ tô dà đah tô Biển Hồ dê gam gơtìp koh kơl, chu ồs sa jơh rơnhah rơnhơ.

                                           Dùl bă brê nho gơtìp mus kơl jơh

Uă tơngai, mus brê, sơgràm ù gơlik geh dùl bă ờ ndơ\p mpồn mơya ờ go\ sền go\ dùl nă cau lơi bơh mpồl lơh broă geh gơnoar dê lơi tus kơryan. Gam geh broă lơh mus brê, sơgràm ù, dùl nă cau klau tàm [òn B, xã Gào, [òn dờng Pleiku ràs bơr ai broă lơh tìs he dê in bè do:

Lài do, ù làng bol dê den pal ai gơ wơl bờh, nho dà lơgar dê mơya ù là bơh làng bol dê. Ù den pal ai wơl nàng tam kơphê halà tam tờm chi tam lơi hơ\, dilah lời mìng brê nho bè do lơm den mbè gơtùi nàng bơtàu tơnguh lơh sa bờh. Làng bol ờ geh ù den pal mus gơ.

Bơta geh ngan, ờ uă ală bă ù bè cau klau gam mus gơ wèt mờ khi jo\ jòng. Jơh ală, tơnơ\ tu\ mus, làng bol tàm do tăc wơl mờ ală cau geh jơnau kờ` mờ pơn jat tai lòt mus ală bă brê ndai.

Mờ broă lơh co\ sồt chi, chu tờm nggu, ală tờm nho gi\t nđờ jơ\t nam tàm ală bă brê rềp bal mờ ù lơh sa bơh làng bol dê sùm gơtìp sơgràm aniai mờ mus jơh. Chi brê gơtìp mus kơl tus tiah lơi, ală tờm chi tam sơrbac mhar ngan geh ala anih. Uă tiah, ală bol mus brê neh gơ jă gơ jal tam tơn chi tam tu\ ờ hềt thàn chu mpồn jơh ală chi brê gơtìp mus kơl.

                                      Co\ sồt chi, chu tờm brê nho nàng sơgràm ù

Ồng Trần Ngọc Thanh, Chủ tịch UBND xã Gào, [òn dờng Pleiku, càr Gia Lai pà gi\t, broă lơh bơh ală cau mus brê, sơgràm ù dê ngai sơlơ rơlăc rơliang ngan den tàng bulah pơđơl pràn lơh ngan sơl, mơya xã kung ờ jai sơl kơryan:

Tàm tơngai pa do tàm ù tiah xã Gào, jơnau mus brê sơgràm ù gơlik geh kal ke. Broă lơh bơh cau dê rơlăc rơliang ngan, cau lơh tàm trồ mang lơm, cau geh kùar ù gùt dar tờm nho, plồ kơmhò chi, halà co\ sồt chi nàng chi in chơ\t rơhời. Mpồl lơh broă bơh UBND xã dê pơgồp bal mờ Mpồl atbồ brê rcang gàr bồ tô dà đah tô Biển Hồ kung sùm lòt sền mơya kal ke ngan sền go\. Bàr pe nhai tơnơ\, tu\ sền go\ den chi brê neh chơ\t.

{òn dờng Pleiku lài do geh glòm gùt dar bơh ală bă brê nho dờng ơning ơnàng ngan mờ jat rơndăp ù tiah tu\ do uă ngan là gơ wèt bă brê bơh Mpồl atbồ brê rcăng gàr bồ tô dà  đah tô Biển Hồ dê. Jat tu\ tơngai, bă brê glòm gùt dar [òn dờng ngai sơlơ jơh te\.

Tàm hơ\ broă mus brê, sơgràm ù tìs mờ kơrnoat boh lam là dùl tàm ală jơnau tờm, geh lơh tàm sùm uă nam tàm bơta ờ jai bơh cau tờm brê bal mờ ală anih lơh broă geh gơnoar dê. Geh tu\ là tàm Mpồl do tơn, dùl ròt kuang bàng, kuang đơng lam bồ anih lơh broă do kung tus bal sơgràm ù brê, geh cau neh gơtìp yă mờ lùp khàu, ku\p jàm.

                                                             Òt tờm nho neh chơ\t

Ồng Nguyễn Tất Thành, cau pa geh tàm pơdar rê at gơnoar broă Phó Kuang atbồ drơng broă nàng đơng lam Mpồl atbồ brê rcăng gàr bồ tô dà đah tô Biển Hồ ala ai Kuang atbồ Mpồl do gơtìp ku\p jàm, pà gi\t: tơngai pa do, mpồl lơh broă do kung neh pơgồp bal mờ ală anih lơh broă geh gơnoar nàng tus lùp khàu, yal yă mờ ai tơlik cah r`a bàr pe dơ\ mus brê. Mơya, jơnau geh ngan sơgràm ù brê kung gam gơlik geh kal ke sơl, kuơmàng broă ai wơl ù brê gơtìp sơgràm kal ke ngan:

Mpồl lơh broă bol a` dê pơgồp bal mờ kiểm lâm tàm do mờ gơnoar atbồ tiah do lơh wơl sră nggal nàng tus tơl hìu mblàng yal, hòi jà làng bol jàu wơl jơh ală bă ù làng bol sơgràm nàng mpồl lơh broă bol a` dê in tam wơl brê, lơh geh wơl brê bè neh geh bơh sơnrờp. Geh bàr pe hìu là lòt jàu is, gam wơl uă ngan làng bol là ờ hềt bài jàu wơl bă ù sơgràm. Tơngai pa do, den ală kấp kung neh yal yă bàr pe dơ\ lơh tìs sơl, geh bàr pe dơ\ broă lơh tìs cau lơh tìs neh gơtìp ku\p jàm.

Jat tơrgùm kờp bơh ală anih lơh broă geh gơnoar càr Gia Lai dê, bơh nam 2011 tus tu\ do, neh geh pơgăp 2.500 lồ tàm kờp jơh khà rlau 9.100 lồ ù brê tàm bă brê bơh Mpồl atbồ brê rcăng gàr bồ tô dà đah tô Biển Hồ dê gơtìp sơgràm, roh gơnoar ngui.

Bơta geh ngan brê tàm uă tiah gơtìp mus kơl jơh, mờ uă bă brê tàm khà hơ\ là gơ ơm tàm ală bă brê rềp mờ tiah tờm [òn dờng Pleiku, neh gơ gơs là ù ơm, ù lơh sa, mờ geh tu\ là hìu ơm bơh bàr pe nă kuang bàng, kuang đơng lam bồ dê!

Cau mblàng Lơ Mu K’Yến