VOV4.K’ho - Drim 26/4, mpồl tam klac cau ùr càr Gia Lai  bơyai lơh pơrjum  tơn jơh 5 nam mut ngui Chỉ thị 17 bơh Tỉnh uỷ Gia Lai bè ‘’ Bơtau tơngguh cồng nha broa\ lơh mblàng  pơlam, lam sồr  cau ùr kòn cau mờ jat yàng tàm rài pa’’.

Tơngai lài,  ala\ kấp mpồl tàm Gia Lai neh bơyai lơh broa\ mblàng, lam sồr  ai rlau 500 rbô na\ cau tàm mpồl, cau ùr mut ngui ala\  gùng dà broa\ lơh bơh Đảng,  adat boh lam bơh dà lơgar, lơh geh 20  cau pơnrơ mpòl bal mờ 53  cau pơnrơ dùl na\ sa\, lơh ua\ ala\ broa\ lơh,  gơ hòi rlau 4.200 na\ cau tàm mpồl cau ùr kòn cau, cau  tàm mpồl jat ala\ yàng tus bal. Ala\ kấp mpồl cau ùr tam gơl pa tơnggu me, li la broa\ lơh mblàng pơlam, lơh geh broa\ lơh  yal tơnggit mờ ala\ phan bơna li la nàng  yal tơnggit tus cau ùr kòn cau sơbac ngan… Tàm pơrjum, ala\ cau kuang neh  cri bơyai bè ala\ broa\ lơh nền nòn, bơta mờng mut ngui chỉ thị sồ 17 niam rlau. Di tàm tu\ do,  Mpồl tam klac cau ùr càr Gia Lai neh jàp sra\ jờng tus 17 mpồl bal, mờ 17 na\ cau dùl na\ sa\ jak tàm 5 nam mut ngui Chỉ  thị sồ 17.

Cau mblàng K’ Brọp