VOV4.K’ho - Tài kal ke tàm broă rơwah kơnòm mu\t bơsram, den tàng uă hìu bơsram cao đẳng, trung cấp công lập tàm càr Gia Lai ờ gơtùi rơndăp broă lơh ai g^t nđờ rơhiang nă cau pơgru in. bơta do gam lơh gơbàn ờ niam tus mờ rài kis bal mờ nùs nhơm ờ su\k ơm tus mờ cau lơh broă geh bơta ngăc ngar uă tàm càr do.

Khoa tự nhiên, hìu bơsram Cao đẳng Sư phạm Gia Lai geh 6 môn, mờ 37 nă cau pơgru. Ală nam rơwah gal kơnòm bơsram, khoa do geh tus 60 ơdu\, là khoa dờng ngan hìu bơsram dê.

                                                          Hìu bơsram Cao đẳng sư phạm Gia Lai

Mơya, nam bơsram do, khoa Tự nhiên mìng gam 2 ơdu\, mờ 45 nă cau bơsram nam du\t ndơl. Geh uă cau pơgru tàm khoa do ờ geh tiết bơto.

Ồng Đặng Thông Huề, Phó kuang atbồ khoa pà g^t, 3 nam do, tài ờ geh rơwah cau mu\t bơsram, den tàng khoa ờ pờ geh ơdu\ pa lơi. Tềng đăp măt, ờ geh broă lơh, g^t nđờ 10 nă cau pơgru tàm hìu bơsram ờ geh priă bơto. Tàm nam bơsram pơn jăt tai, tu\ 45 nă cau bơsram do jơh bơsram, ồng Huề kung ờ g^t rài kis Khoa Tự nhiên geh bè lơi:

-2 nam do, khà tiết bol a` gơmù ngan. Nam do ờ gam geh tiết bơto tai. Jăt adăt lơh broă, tơnơ\ mờ 3 nhai ờ geh tiết bơto, di lah hìu bơsram ờ ai geh broă lơh, bol a` gơbàn koh priă bơto. Bơta do geh gơguh jăt tơngai.

Tu\ do, hìu bơsram Cao đẳng Sư phạm Gia Lai geh 62 nă cau pơgru ờ geh broă lơh, ală cau do ndrờm neh geh thc5 sĩ rơlao hờ đăng. Ồng Đào Chiến, kuang atbồ hìu bơsram pà g^t, bu\ lah neh ai pơgồp bal lơh broă ndai, drơng tai broă lơh đoàn, mpồl, mơya hìu bơsram ờ gơtùi bơsong jơh broă lơh ai ală cau pơgru do in.

         Uă ròt jơdu\ bơsram tàm hìu bơsram Cao đẳng Gia Lai neh til mpồng uă nam do tài ờ rơwah geh cau mu\t bơsram

Den tàng, bal mờ broă ơm ờ bơcri priă bơto, hìu bơsram pal tơl^k măt ală cau pơgru do kờ` gơnoar atbồ là ở Giáo dục mờ Đào tạo Gia Lai rơndăp, ai broă lơh ndai:

-Ờ geh broă lơh ndai tai kờ` dong klàs. Do là mpồl cau lơh broă tòm, thạc sĩ rơlao hờ đang là uă ngan, ờ geh tàm khà cau tơmù biên chế. Hơ\ là bơta kal ke ngan. He mìng g^t gơbàn jơnkah den yal mờ gơnoar atbồ dờng rơlao kờ` bơsong broă priă jền. Tềng đăp măt là gàr priă bơto tus tàm tu\ càr ai geh gùng dà broă bơsong.

Ală hìu bơsram cao đẳng, trung cấp lơh broă tàm càr Gia Lai kung gam gơbàn kal ke tàm broă ai broă lơh cau pơgru in. Ồng Nguyễn Tấn Thành, kuang atbồ phòng bơto broă lơh, Sở Lao động- Thương binh mờ Xã hội Gia Lai đơs là, geh bơta do là tài ală hìu bơsram ndrờm bal uă gah bơto mờ bơsram, bơta niam tàm broă bơto mờ bơsram ờ hềt uă, kal ke kờ` tàm pơrlòng mờ ală hìu bơsram bơdìh càr.

                                 Tàm nggùl ngai mìng gam geh 1, 2 ơdu\ tàm hìu bơsram geh bơsram

Bơdìh hơ\ tai, ală biên chế cau pơgru tàm ală hìu bơsram công lập ờ rơcang lài tềng đăp mờ broă kờ` bơh mpồl bơtiàn kung lơh broă do gơbàn kal ke rơlao. Ồng Thành neh dờp, tu\ do, đah lơh broă do ờ hềt jòi geh broă lơh lơi kờ` bơsong bơta kal ke do:

-Pal dan nđờ nă cau pơgru geh ngui tòm den hơ\ sồng geh pờ broă lơh hơ\. Broă lơh sră nggal dà lơgar lơh bơrkòl bè hơ\ den tàng kal ke. Ngai lài, 1 nam, hìu bơsram rơwah 2, 3 ơdu\ điện, biên chế g^t nđờ 10 nă cau pơgru bơto bè điện.

Tu\ do hìu măy pờ tơl^k ồs đèng tơnguh bơtàu pràn, broă lơh ồs đèng tơnguh bơtàu jơh, ờ geh cau bơsram tai, den bè rơgơi ting bơtrơh cau, di lah bơtrơh den cau yă. Tơmù mờ broă là cau lơi mờr tus sơnam jơh lơh broă den lam sồr cau hơ\ ơm jăt mờ Nghị định 108/2014/NĐ-CP ngai 20/11/2014 bơh Chính phủ mờ ờ rơwah tai cau.

Tu\ do, UBND càr bal mờ sở Nội vụ Gia Lai neh tơl^k uă sră nggal đơng lam, lam sồr ală sở, gah lơh broă lơh jăt broă rơndăp, tơrgùm ală hìu bơsram cao đẳng, trung cấp bal kờ` tơl niam mờ geh cồng nha. Jăt mờ hơ\, sở Giáo dục mờ Đào tạo Gia Lai sồr ală hìu bơsram gơwèt tàm mpồl tơmù broă bơto, bơ\t bơtàu kơrnoăt lơh broă, lơh tòm 100%.

Mờ sở Lao động Thương binh mờ Xã hội bơ\t bơtàu rơndăp broă tơrgùm 3 hìu bơsram cao đẳng, trung cấp lơh broă mờ hìu Trung cấp Y tế, Trung cấp Văn hoá Nghệ thuật Gia Lai bal. Mơya, ồng Nguyễn Ngọc Ánh, kuang atbồ hìu bơsram Trung cấp Văn hoá Nghệ thuật Gia Lai đơs là, tơrgùm bal bè hơ\ mìng dong kờl mpồl cau atbồ geh niam, ờ go\ di là bơsong geh broă lơh cau pơgru in:

-Tềng đăp măt là bol a` gam kơ\p. Tu\ neh tơrgùm, den sở Lao động Thương binh- Xã hội geh đơng lam ală hìu bơsram nggui bal kơlôi sơnơng tus mờ mpồl cau pơgru tơrgùm bal. Mơya loh làng, ală hìu bơsram neh geh ală bơta krơi is, lơh lài do ờ gơtùi tơrgùm bal. Tu\ tơrgùm bal, bè broă atbồ, den ờ geh broă lơi. Mơya bè broă bơto den ờ ndrờm bal. Hơ\ là broă bol a` ờ su\k ơm.

G^t nđờ rơhiang nă cau pơgru ờ hềt geh ai broă lơh tàm càr Gia Lai gam ờ mìng gơbàn ờ niam bè nùs nhơm, rài kis bơh să tòm mờ gam lơh gơbàn hoàc huơr khà cau lơh broă geh bơta niam uă tàm càr do. Càr pal jòi geh broă lơh di pal, geh cồng nha gờ` bơsong broă do.

Cau mblàng Ndong Brawl