VOV4.K’ho - Càr Gia Lai tu\ do geh rlau 12 rbô na\ cau gơbàn  sơnơm khih đioxin lơh aniai. 5 nam do, Mpồl cau gơbàn sơnơm khih dioxin càr dê neh trơ gùm geh rlau 15 tơmàn pria\ nàng dong kờl ala\ cau  gơbàn aniai lơh hìu ơm,  bơcri pria\ nàng lơh sa. Bulah bè hơ\,  rài kis bơh khi dê gam ua\ ngan kal ke, kờ` ngan bơta attê bal dong kờl mpồl bơtìan.

            Mò Phan Thị Lý, kis tàm [òn U, xã Kông Htôk, kơnhòal Cư\ Sê, gơ bàn gơ lời pơ nời sơnơm khih đioxin bơh cau bèp lài do den geh tus bal tam lơh. Gơ lời pơ nời do geh gơ tờp tus jơh 4 na\ kòn  bơh  mò dê, dùl na\ kòn neh chơt, 2 na\ gơbàn pơ nời  kơnjơ\ ngan. Sa\ tờm mò Lý rềp do kung gơbàn ờ niam leh, tơl tờng lẽh pal lòt ntoat leh 3 dơ\. Hìu nha\ mò  neh pal tac jơh ù tiah, phan bơna nàng blơi sơnơm sơm kòp, mờ  ngui tàm rài kis. Hìu sơmang la phan bơna gam wơl, kung di gơlan pal tac. Mò Lý kờ` ngan bơta  kờ`  bal, dong kờl bơh mpồl bơtìan nàng gơtùi kis:

            Hìu nha\ kung  ua\ ngan kal ke. Tu\ do mìng dùl na\ bơklau a` lơh broa\ ròng 4-5 na\ kòn den tàng kal ke ngan,  drơng sơnơm ndang mờ pal drơng phan sa tàm ngai. Kơp kờ` la ala\ gah, sơnah lơh broa\, gah xã, kơnhòal sền gròi nàng hìu nha\ ba` bòl glar ir.

            Mò Võ Thị Xô kis tàm Tổ dân phố 10, thị trấn Cư\ Sê,  kơnhòal Cư\ Sê ai git,  kơnờm  mờ bơta sền gròi bơh gơnoar atbồ,  gah lơh broa\ geh gơnoar lơh pà hìu git jơnau mờ hìu nha\ geh hìu ơm. Bơklau mò Xô lài do la cau tus bal tam lơh mờ gơbàn gơ tờp sơnơm khih diôxin, neh chơt pơgap mờ do nđờ nam. Mò geh 3 na\ kòn, 5 na\ sau drờm gơbàn gơ tờp sơnơm khih đioxin, rài kis den kal ke ngan. Neh rlau 70 sơnam, pah ngai gam pal lòt klòm  phan cau sang nàng tac geh pria\  ròng kòn, ròng sau, mò Xô kơp kờ` geh bơta dong kờl bơh mpồl bơtìan:

            Geh mpồl dong kờl,  sền gròi tus sùm, hìu nha\ a` chờ ngan. Geh hìu ơm nàng sau se a` ơm den he kung  ờ kơ lôi rlau. Hìu nha\ a` tu\ do gam  bòl glar ngan, kung kơnờm mờ mpồl, kơnờm mờ ala\ anih lơh broa\,  gơnoar atbồ, dong kờl hìu nha\.

            Càr Gia Lai tu\ do geh rlau 13 rbô cau gơbàn sơnơm khih đioxin lơha niai, gal ngan ala\ hìu nha\ aniai do drờm geh rài kis kal ke ngan. Bơta ndai, jat ồng Nguyễn Xuân Thủy-Chủ tịch mpồl cau gơbàn sơnơm khih điôxin aniai kơnhòal Cư\ Sê, ala\ geh cih dờp git cau gơbàn sơnơm khih đioxin tu\ do ờ hềt loh làng den tàng kan ngan  mut ngui chính sách. Dà lơgar kung ờ hềt geh chính sách tus mờ ala\ cau gơbàn sơnơm khih đioxin aniai rnàng dơ\ 3. Tàm tu\ hơ\,  khà cau gơbàn aniai  rơnàng  do ua\ ngan:

             Kơnhòal Cư\ sê geh rlau 1 rbô na\ cau gơ tờp sơnơm khih dioxin aniai tàm hơ\ geh rlau 200 na\ cau geh dong kờl pria\ bơh gơ bàn aniai sơnơm hóa học. Dan Đảng, Dà lơgar  lơh gơs quy định drờm bal  bè lơi la cau gơbàn aniai sơnơm khih đioxin. Tu\ do,  ờ hềt geh quy định do den tàng broa\ mut ngui chính sách ờ hềt drờm bal. Dơ\ 2, bơh broa\ lơh  cau gơbàn aniai sơnơm khi đioxin den pal gờ` geh chế đọ  tus mờ cau ơniai rnàng dơ\ 3, dong tơl bơta ai ala\ hìu nha\ do geh lơh niam kal ke,  gàr niam bơta kuơ mpồl bơtìan.

            Mờ ua\ ngan broa\ lam sồr hòi jà krơi is, 5 nam do, Mpồl cau gơbàn sơnơm khih đioxin càr Gia Lai neh trơ gùm geh rlau 15 tơmàn pria\ nàng dong kờl lơh sa, lơh hìu git jơnau, bơta nđàc hala dong kờl pria\ ròng ala\ cau gơbàn aniai. Bulah bè hơ\,  khà pria\ tơrgùm gam  êt ngan pơndrờm mờ bơta kờ` drơng gàr tus ala\ hìu nha\ aniai. Mò H’ Ngia- Chủ tịch mpồl cau gơbàn sơnơm khih đioxin aniai càr Gia Lai ai git,  ala\ cau gơbàn sơnơm khih đioxin aniai gam kờ` ngan tai bơta attê bal bơh mpồl bơtìan:

            Bơta geh tu\ do geh ua\ ngan kal ke, suơ\u siar bè pria\ jền nàng dong bơta ai cau gơbàn sơnơm khih đioxin aniai, nàng sền gàr ala\ cau aniai. Ờ mìng la broa\ sào sa mờ gam dong bơta nhơl nho\, bơsram sra\,  pria\ jền gam ờ tơl ua\ ngan. Den tàng, Mpồl cau gơbàn sơnơm khih đioxin aniai càr Gia Lai kơp kờ` ala\ cau niam tàm lơgar mờ bơh lơgar cau tus bal dong kờl, dong geh tài rài kis gam ua\ ngan kal ke.

            Gơbàn gơ tờp mờ pơ nời bơh sơnơm khih đioxin aniai la bơta jê sồt dờng ngan bơh ala\ hìu nha\ mờ ala\ cau gơbàn aniai, lơh gal ngan cau tàm khi geh rài kis kal ke. Nàng ala\ hìu nha\ cau gơbàn sơnơm khih đioxin aniai geh  kis niam tàm rài kis,  bal mờ ala\ chính sách bơh dà lơgar, gam kờ` ngan bơta attê bal, dong kờl bal bơh mpồl bơtìan mờ ala\ cau niam.

            Cau mblàng K’ Brọp