VOV4.K’ho -  Drim òr (24/1), Ban ờ do ờ da\ gùng lòt geh lơh bal mờ Tỉnh đoàn Gia Lai bơyai lơh dơ\ lam lơh nam ờ do ờ da\ gùng  lòt 2018 mờ dơ\  lơh ua\ ngan tàm tu\ sa tềp dà lơgar Mậu Tuất 2018. Nam 2017, bơta gơbàn rềs àr gùng lòt tàm càr Gia Lai gam gơbàn ua\ kal ke.

Bulah rềs àr geh gơmù jơh 3 bơta mơta gam ờ tơl bơta kơljap. Tàm nam, tàm Gia Lai neh gơlik geh 13 dơ\ rềs àr gùng lòt gơbàn aniai ngan. Tàm hơ\  mìng is 3 dơ\ rềs àr gùng lòt gơlik geh tàm kơnhòal Cư\ sê  mờ Mang Yang neh lơh chơt 19 na\ cau mờ sồt sa\ 49 na\ cau.

Mờ sơnđan ‘’Ờ do ờ da\ gùng lòt  tus mờ kơnòm dềt’’ nam ờ do ờ da\ gùng lòt 2018, càr Gia Lai neh lơh ngan tàm ala\ broa\ lơh:tơngguh  broa\ lơh mblàng tus mờ ala\ oh la kơnòm bơsram mờ ala\ oh dềt nàng tơngguh git wa\ tu\ lòt gùng bơh ala\ oh, mut lơh ala\ broa\ lơh nàng gàr niam ờ do ờ da\ gùng lòt tàm ala\ tiah rềp hìu bơsram, ngan la ala\ hìu bơsram gơ ơm tàm ala\ gùng gal rơndeh lòt nàng  tơmù ngan rềs àr tus mờ kơnòm dềt.

                        Cau cih mờ yal tơnggit K’ Brọp