VOV4.K’ho- Mho ngai 29/10, Mpồl lòt sền bơh Bộ Lao động Thương binh mờ Xã hội bơh Kuang ătbồ Cục broă lơh ồng Vũ Trọng Bình lơh kuang ătbồ mpồl neh geh dơ̆ lòt lơh broă mờ Sở Lao động Thương binh mờ Xã hội càr Gia Lai bè broă lơh jăt ală broă dong kờl sền gàr ờdo ờdă rài kis mpồl bơtiàn, dong kờl cau lơh broă mờ cau ngui cau lơh broă tìp kal ke tài bơh kòp dờng Covid-19.

Mpồl lòt sền bơh Bộ Lao động Thương binh mờ Xã hội lơh broă mờ càr Gia Lai

Tàm dơ̆ lơh broă mờ mpồl jăt sền, ală kuang bàng kung sồr ală broă lơh bè bơtàu tơnguh wơl mờ bơtàu tơnguh cau lơh broă tàm tŭ tơngai mờ tơnơ̆ tŭ gơbàn kòp Covid-19. Ală broă lơh tă bơsong kal ke ai mpồl lơh sa kă bro, hợp tác xã, hìu bơnhă kă bro kơ̆ kơl jăp lơh sa nàng gơhòi gơ jà cau lơh broă, dong kờl cau lơh broă wơl lòt lơh broă wơl. Đơs tàm dơ̆ lơh broă, Kuang ătbồ Cục broă lơh ồng Vũ Trọng Bình jờng rơ ngan broă lơh jăt ală broă dong kờl geh lam lơh sơrbac mhar, ngăc ngar, gùng dà li la. Tơngai tus, gah lơh broă geh gơnoar bơh càr Gia Lai dê pơn jăt tai lơh niam, ai broă dong kờl tus di cau gơtìp gơrềng tơnơ̆ tơngai gơbàn kòp Covid-19.

Cau mblàng Lơ Mu K’Yến