VOV4.K’ho - Drim òr (04/01), càr Gia Lai neh bơyai lơh lik lơh jăt kơnòl jòi, tơrgùm ƀồc ntìng cau ling chơ̆t màng bal mờ cau jăk chài lơgar Việt Nam chơ̆t tàm ală rài tam lơh tàm lơgar Campuchia, kàl prang nam 2021-2022. Tus bal dơ̆ lòt jòi, rồ, tơrgùm, cèng rê ƀồc cau ling chơ̆t màng dơ̆ do geh 62 nă kwang bàng, cau ling gơwèt mpồl ling K52, Mpồl đơng lam ling klàng càr Gia Lai, geh tam pà lơh 3 mpồl, jòi tàm 3 càr Preah Vihear, Stung Treng mờ Ratanakiri, lơgar Campuchia. Geh git bơh nam 2001 tus tŭ do, mpồl ling K52 càr Gia Lai neh jòi geh mờ cèng rê 1 rơbô 428 ƀồc ntìng cau ling chơ̆t màng cèng rê tơ̆p tàm ƀlàng tơ̆p ƀồc cau ling chơ̆t màng kơnhoàl Đức Cơ, càr Gia Lai.

Cau mblàng Ndong Brawl