VOV4.K’ho- Lơh jat srơh tàm pơrlòng “Ling klàng at tê bal bơt bơtàu [òn lơgar pa” tàm tơngai 2017-2020, ală mpồl lơh broă ling klàng geh pôs đồng tàm ù tiah càr Gia Lai neh dờp gơnoar broă dong kờl 35 xã. Ală mpồl kung neh rcang lài pơgồp bal niam ngan mờ ală tiah tàm broă lòt sền, ai g^t tơngume broă lơh, broă lơh, gùng dà broă lơh, broă lơh di pal mờ bơta pràn bơh tơl mpồl dê nàng dong làng bol in lơh geh cồng nha, pơgồp bơnah bơt bơtàu [òn, xã tơl khà [òn lơgar pa. Tàm Lữ đoàn Pháo binh 40, Quân đoàn 3, geh pôs đồng tàm kơnoàl Mang Yang, càr Gia Lai, dong làng bol bơt bơtàu [òn lơgar pa là dùl tàm ală kơnòl broă hòi jà làng bol kuơ màng ngan tàm uă nam do. Bơh nùs nhơm, kơnòl broă mờ bơta jơh nùs bơh mpồl ling dê, ală gùng lòt hời rơ hời geh lơh bê tông mờ nùs nhơm ling klàng làng bol ngai sơlơ tam klăc rềp mềr.

            Gùng lòt jòng mờr 500 thơk, lam mut tàm [òn Đăk Yă, xã Đăk Yă, kơnhoàl Mang Yang pa lơh gơs mờ bê tông tàm bơta chờ hờp bơh jơh bal làng bol tàm [òn. Lòt tàm gùng pa, bi Siu Hương, ơm tàm [òn Đăk Yă, chờ hờp ngan pà g^t, gùng do lài do ờ niam ngan, làng bol lòt rê kal ke ngan mờ neh uă nam dan mờ gơnoar atbồ xã bơcri priă lơh mơya tài priă ờ geh den xã ờ hềt lơh. Nam do, tu\ mpồl ling Lữ đoàn Pháo binh 40, Quân đoàn 3 rê tàm do mờ đơs là geh dong làng bol lơh gùng bê tông, jơh làng bol tàm [òn chờ hờp mờ dùl nùs bal lơh jat. Tàm pơgap 10 ngai, ơruh pơnu tàm [òn pơgồp dà kơl hề bal mờ ală kuang bàng, cau ling bơh Lữ đoàn pháo binh 40, lơh ngan lơh gùng mờ neh lơh gơs.

            Lài do, gùng do là gùng ù, trồ tơngai duh den kơmbuh uă, kàl mìu den ntiar, làng bol lòt rê kal ke ngan. Gùng do geh lơh gơs buơn boài ngan ai broă lơh sa, kă bro bơh làng bol dê. Să tờm a` mờ làng bol gơlơh chờ hờp ngan tu\ geh gùng lòt do.

            Tus bal dong làng bol [òn Đăk Yă lơh gùng, Trung sỹ Đinh Văn Hùng, Lữ đoàn Pháo binh 40, Quân đoàn 3 pà g^t, bi chờ hờp ngan tu\ geh mpồl lơh broă sồr mù tàm tiah do nàng dong làng bol. Sa bal, ơm bal, lơh broă bal mờ làng bol neh  lơh nùs nhơm ling klàng làng bol sơlơ tam klăc bal. Să tờm bi kung bơsram uă bơta tu\ geh dong broă ngan ngồn tàm [òn mờ bơta chờ hờp bơh làng bol dê kung là bơta chờ hờp bơh ală cau ling bi dê sơl.

            Chờ hờp ngan tu\ geh dong kờl làng bol, bơh hơ\ sơlơ tam klăc nùs nhơm đah ling klàng mờ làng bol. Rlau 10 ngai do, oh mi tàm mpồl bal mờ làng bol neh bal mờ gơ\p lơh gơs gùng lòt dong làng bol lòt rê ờ hoan kal ke tai.

            Broă dong làng bol tàm tiah do lơh gùng neh geh Lữ đoàn 40, Quân đoàn 3, mut lơh uă nam mờ uă kơi sồ gùng bê tông neh lơh gơs. Tài bơh Lữ đoàn neh geh uă bơta mờng chài mờ bơta chài lơh gùng bê tông niam.

Thiếu tá Lê Văn Dũng, Kuang dong broă ơruh pơnu Phòng Chính trị, Lữ đoàn Pháo binh 40, Quân đoàn 3, pà g^t, nàng drơng broă ai broă lơh gùng lòt dong làng bol, mpồl gam tă dùl bơnah priă jền bơh broă sơlơ tơnguh lơh sa nàng blơi ờ uă bơta ma\y bơrlu\ klài bê tông tàm khà uă. Mìng is nam do, mpồl dờp gơnoar broă lơh mờr 1 kơi sồ gùng bê tông tàm xã Đăk Yă, kơnhoàl Mang Yang.

Khà broă lơh ờ uă, mơya do là tiah geh ù tiah kal ke, broă mut lơh, pơn diang phan bơna là kal ke ngan. Bal mờ hơ\, trồ tơngai gơlik geh nisơna kung aniai tus tu\ tơngai mut lơh broă lơh. Mơya, mờ bơta lơh ngan jơh nùs bơh ală kuang bàng, cau ling tàm mpồl, bal mờ bơta tus bal dong kờl uă ngan bơh làng bol, kơnòl broă bơh mpồl dê neh lơh gơs lài mờ tu\ tơngai pơrgon:

Nam lơi kung bơh nhai 7 mờ nhai 8 la bol a` mut lơh broă lơh do. Tu\ mut tàm do den he lơh broă lơh ngan ngồn, kuơ màng dong làng bol là tờm ngan mờ pơgồp bal mblàng yal, hòi jà làng bol kis dùl rài kis ngăc ngar, lơh jat gùng dà broă lơh, chính sách bơh Đảng mờ dà lơgar dê.

            Bal mờ dong kờl làng bol lơh gùng lòt tàm [òn lơgar, Lữ đoàn pháo binh 40, Quân đoàn 3, gam lơh broă lơh wèt mờ mpồl bơtìan bè lơh broă lơh dà sàng kloh, lơh bơtơ\t rơ[òng dà, toah wàs r[òng dà halà bơto pơlam làng bol tam biăp, ròng iar nàng tam gơl phan sa tàm rài kis pah ngai. Broă lơh do neh geh lơh niam ngan tàm broă dong làng bol lơh gơs ală broă lơh bơt bơtàu [òn lơgar pa. Bơh hơ\, sơlơ tơnguh bơta tàm klăc bal ling klàng làng bol ngai sơlơ rềp mềr mờ kơ\ kơl jap.

Cau mblàng K’ Hạnh