VOV4.K’ho - Nam 2021, càr Gia Lai geh khà gơguh lơh sa 9,7% uă ngan tàm Tây Nguyên dê, tă tàm kes priă dà lơgar gơguh ni sơna, geh mờr 7 rơbô 600 tơmàn đong. Nam 2022, càr lơh ngan geh sùm khà gơguh rơlao 8,6%, gàr niam ală jơnau kờñ mpồl bơtiàn mờ broă rơcang sơndră mờ kòp Kovid-19.

Lơh ngan geh khà gơguh lơh sa 8,65%, priă geh tơl nă cau rơlao 60 tơlăk 440 rơbô đong, tă tàm kes priă sơrlèt 5 rơbô 800 tơmàn đong, hơ̆ là ờ uă khà broă geh ai tờm mờ càr Gia Lai wèt tus tàm nam 2022. Jăt mờ hơ̆, càr pơn jăt tai tơnguh bơtàu broă lơh sa suơn sre kông nghệ kao, pơgồp bal jăt broă lơh geh kuơ, tơnguh bơtàu ồs đèng geh lơh wơl; Mờ tơrgùm bơsong kal ke tàm gah bơcri priă, tơnguh uă khà bơta pràn tàm pơrlòng (PCI), lơh niam wơl sră nggal. Chồl pràn broă bơ̆t bơtàu broă lơh ndrờm bal, ală rơndăp broă geh kuơ; tơnguh bơtàu ƀòn drà jăt mờ rơndăp broă neh geh ai mờ lơh rơndăp broă wèt tus ƀòn drà tơlir, ngăc ngar mờ kơl jăp. Càr Gia Lai kung ai broă rơcang sơndră mờ kòp Kovid-19 là kơnòl kuơ màng, mhar mờ geh lơh sùm, pơgồp bal nền nòn mờ tơl kơnòl broă tơnguh bơtàu lơh sa mpồl bơtiàn bơh gùt nam 2022 dê mờ ală nam pơn jăt tai.

Cau mblàng Ndong Brawl