VOV4.K’ho- Nàng kờñ lơh kràñ broă lơh jat Chỉ thị sồ 16 jat jơnau dan bơh Mpồl đơng lam rcang sơndră kòp Covid-19 càr Gia Lai dê, UBND ƀòn dờng Pleiku, càr Gia Lai geh sră nggal bơto pơlam broă lòt rê, nàng kờñ tơrmù ƀà lơyah ngan rlau jơh khà làng bol lik lòt tàm gùng.

UBND ƀòn dờng Pleiku sồr ală cau lòt tàm gùng tài lòt lơh broă pal cèng bal sră ai lòt rê là sră công chức, sră cau lơh broă, sră gah lơh broă (halà sră lòt gùng bơh anih lơh broă dê ai) nàng gàr niam bơta lòt rê  tàm anih gròi sền bơh ală xã, sơnah ƀòn halà ală mpồl gròi sền ntrờn làm bă tiah bơh mpồl Kuang àng ƀòn dờng dê. Ƀòn dờng Pleiku lơh jat Chỉ thị sồ 16 bơh ngai 28/8 tus tŭ do, sền bal là làng bol lơh jat niam jơnau sồr. Mơya, kung gam geh bàr pe tiah gam tơrgùm uă cau, broă pơn chèu glòm muh mat kung gam geh sơl, uă làng bol lòt tàm gùng ờ geh broă di pal. Bơh ngai 28/8 tus ngai 5/9, ƀòn dờng Pleiku neh lơh glài 93 nă cau lơh tìs jơnau sồr rcang sơndră kòp mờ khà priă rlau 303 tơlak đong.

Cau mblàng K’Hạnh