VOV4.K’ho - Sa tềp Mậu Tuất neh mờr tus rềp, bal mờ ala\ càr tàm gùt lơgar, tàm Gia Lai  gơnoar atbồ, gah lơh broa\ geh gơnoar mờ ala\ mpồl lơh sa ka\ bro gam lơh ngan ala\ broa\ kờ` gàr tơl phan bơna ka\ bro, gàr niam khà pria\ drà ka\ bro, kung bè sơndra\ ka\ bro phan bơna pồn ta\ dia, phan ờ ngan.

            Siêu thị Coopmart Pleiku la dùl tàm ala\ mpồl lơh sa ka\ bro dờng ngan bơh càr Gia Lai tus bal broa\ lơh  gàr niam khà pria\ phan ka\ bro tàm tu\ sa tềp. Jat mò Châu Hòang Thi, Phó kuang atbồ Siêu thị, bơh lài sa tềp di 3-4 nhai, mpồl neh geh broa\ lơh prap phan nàng geh tơl phan tac tàm tu\ sa tềp. Tàm hơ\, ala\ phan bơna kờ` ngui ngan, ngan la ala\ phan bơna la phan sa geh sền kuơ ngan. Bơdĩh mờ ala\ pràn geh lài, siêu thị gam geh càr Gia Lai, ala\ ngân  hàng dong kờl ai càn pria\ nàng geh prap phan bơna. Den tàng, siêu thị pơrgon geh gàr niam  khà pria\ tàm drà ka\ bro jat jơnau pơlam bơh UBND càr Gia Lai:

            Sài gòn Coop, kung bè Coopmart Pleiku kung neh prap phan dùl khà phan  tơl nàng gàr niam drà ka\ bro phan bơna. Bol a` kung geh cri bơyai mờ ala\ cau ai phan geh ai phan nàng prap phan gơguh jơnhua bơh 10 tus 15%. Phan do pơndrờm mờ drà ka\ bro hờ bơdĩh khà pria\ niam rlau bơh 5  tus 7%.

            Bal mờ ala\ kong ti, mpồl lơh sa ka\ bro dờng, ala\ kong ti, mpồl lơh sa mờ ala\ đại lý dềt tàm Gia Lai kung gam lơh ngan nàng mut lơh ala\ broa\ lơh gàr niam khà pria\ drà ka\ bro tàm tu\ sa tềp jat jơnau pơlam sồr bơh UBND càr Gia Lai. Nàng gàr  niam tơl phan bơta drơng sa tềp, ala\ hìu tac phan, ala\ đại lý, mpồl lơh sa ka\ bro tàm càr Gia Lai neh tơngguh ua\ ngan phan bơna pơndrờm mờ  ala\ nhai bè ờs. Mpồl phan do ua\ ngan la ala\ phan bè ba`, mứt mờ ala\ bơta ơlak bièr. Tàm ala\ hìu tac phan, broa\ top sra\ khà pria\ tac phan neh geh yal loh làng ngan mờ cau ngui nàng bươn  bươn rwah, di pal mờ bơta kờ`. Mò Phan Thị Ánh Mỹ, hìu tac phan Hồng Nhung gùng Trần Phú, [òn dờng Pleiku, càr Gia Lai ai git:

            Nam do khà pria\  tac phan geh gàr niam, ờ tam gơl ua\. Hìu tac phan bol a` ai phan bơna tờm ngan mờ a` rwah phan tờm  niam ngan nàng tac cau ngui in. Kờ` gơ tùi ka\ bro den bol a` pal lơh bè hơ\.

            Nàng gàr tơl phan bơna ka\ bro, gàr niam khà pria\ ka\ bro tàm tu\ sa tềp, mơ tơn bơh  tam gùl nhai 12, càr Gia Lai neh geh broa\ lơh nền nòn mờ bơta lơh bal  nền nòn ngan  bơh ala\ anih lơh  broa\ geh gơnoar,  tàm hơ\ tờm ngan la mpồl lơh  broa\ atb drà ka\ bro. Pơnjat hơ\, kờp jơh khà pria\ phan  bơna kờ` ngan tàm càr geh prap la mờr 12 rbô tơmàn pria\. Jat ồng  Lê Hồng Hà, Phó kuang atbồ Sở Công thương mờ la kuang atbồ Chi cục  atbồ drà ka\ bro càr Gia Lai, mpồl neh lơh  broa\ jơh mờ ala\ mpồl lơh sa ka\ bro, mpồl bal,  cau dùl na\ sa\ is ka\ bro phan bơna, sồr bơyai lơh prap phan nàng geh tơl phan ka\ bro tàm drà. Mơ kung, càr kung geh ala\ broa\ lơh nàng geh lơh bal bơh ala\  ngân hàng mờ ala\ mpồl lơh sa ka\ bro ka\ bro, dong tơl bơta ai ala\ mpồl lơh sa ka\ bro geh càn ala\ khà pria\ dong kờl pria\ cồng mờ pria\ cồng êt tu\ tus bal broa\ lơh prap phan gàr niam khà pria\  tàm tu\ sa tềp. Bơh hơ\, geh gàr niam drà ka\ bro ai tus cau ngui tàm tu\ sa  tềp:

            Ngan ngồn 100% sa tềp nam do ala\ mpồl lơh sa ka\ bro prap phan nàng geh tơl phan ka\ bro tàm tu\ sa tềp, ba` lời gơlik geh bơta ờ tơl phan ka\ bro, phan gơ guh kas hala lời cau dùl na\ sa\ hờ bơdĩh sơmờm bơta kờ` phan bơna lồi nam ua\ den lơh gơ guh kas pria\ nàng  sa geh cồng  ờ di pal, geh lơh aniai tus drà ka\ bro bal. Mờ atb drà ka\ bro den kung geh mut lơh ala\ broa\ lơh, tàm hơ\ geh broa\ sền kuơ lòt sền, sền khà  pria\ tac, ngan la geh top sra\ khà pria\ tac phan mờ tac phan jat sra\ top khà pria\.

                                    Cau cih mờ yal tơnggit K’ Brọp