VOV4.K’ho-Tơngai pa do, ală tiah jat kềng gah gơl gùng tiah nhàr lơgar bơh càr Gia Lai dê neh lơh pràn broă lơh mbàng yal nàng làng bol in gĭt wă mờ lơh jat niam gơnoar, kơnòl broă bơh he dê tàm tơngai tus bal tĕ khà Kuang bàng Quốc hội khoá 15 mờ Kuang bàng Hội đồng Nhân dân ală kấp tơngai lơh broă bơh nam 2021-2026. Tàm kơnhoàl Chư Prông, broă mblàng yal tĕ khà geh lơh jat mờ 2 jơnau đơs: dà yoan mờ dà kòn cau Jrai bơh ală loa pờ tơlik xã dê. Gơwèt mờ bàr pe tiah làng bol ơm kis dùl ết, lam lơh broă mblàng yal ntrờn tus tơl hìu bơnhă.

Tàm kơnhoàl Đức Cơ, broă lơh mbàng yal geh xã lam lơh mờ uă broă lơh, xã neh crơng gơs Tiểu ban mblàng yal. Pah poh, ală cau tàm Tiểu ban geh kơnòl broă sền swì jơnau yal geh gơrềng tus broă lơh tĕ khà nàng pờ tàm loa pờ tơlik xã dê, dong làng bol gĭt loh tơl khà bơh cau tơlik mat tĕ khà dê kung bè tơngai bơyai lơh ală broă lơh tàm tơngai tĕ khà.

Cau mblàng K’ Hạnh