VOV4.K’ho- Jat jơnau yal bơh Sở Kế hoặch mờ Đầu tư càr Gia Lai dê, tus lồi nam 2018, càr geh mờr 4.900 mpồl lơh sa kă bro lơh sră dan lơh broă mờ kờp jơh priă lơh sa mờr 90 rbô tơmàn.

Tàm khà do, geh 772 mpồl lơh sa kă bro crơng gơs pa mờ kờp jơh priă lơh sa là 4.500 tơmàn. Lơh geh tơl ală bơta niam ai ală mpồl lơh sa kă bro in bơtàu tơnguh, Gia Lai neh lơh rơndăp ù tiah broă rơndăp lơh ngui ù, ai ù lơh broă, lơh phan bơna tàm ală tiah, anih lơh sa mờ măy mok, dong kờl ai càn priă, bơto bơtê, bơtàu tơnguh mpồl cau lơh broă ai mpồl lơh sa kă bro in, tơnguh uă pràn jak măy mok mờ bồ tơngoh gi\t wa\ măy mok. Broă lơh niam wơl sră nggal geh lơh pràn lơh geh bơta [ươn uă ngan ai mpồl lơh sa kă bro in.

Jat broă rơndăp lơh nam 2019, jơh gùt càr Gia Lai geh bơtàu tơnguh tai pơgăp 900 mpồl lơh sa kă bro tàm hơ\, geh pơgăp 50% là bơh hìu bơnhă lơh sa kă bro.

Cau mblàng Lơ Mu K’Yến