VOV4.K’ho- Tơnơ̆ 24 ngai do, ală anih lơh broă, ală mpồl lơh broă bơh Kuang àng càr Gia Lai dê neh jơh lơh sir sră nggal lơh sră kim ta crăp chíp điện tử ai rlau 120 rbô nă làng bol in. Bal mờ hơ̆, mpồl kuang àng neh geh uă broă lơh ngan tàm broă lơh mblàng yal, tơnguh uă bơta niam drơng broă làng bol in.

Ală mpồl lơh broă, anih lơh broă bơh Kuang àng càr Gia Lai dê gam jơh nùs lơh sră kim ta crăp chíp điện tử ai làng bol in

Tus jơh ngai 24/3, bal mờ broă ngui 29 nơm măy bơh Bộ Kuang àng dê pà, 18 anih lơh broă tờm bơh Kuang àng càr Gia Lai dê neh jơh lơh sir sră nggal lơh sră kim ta crăp chíp điện tử ai rlau 120 rbô nă làng bol in. Ngai uă ngan rlau jơh, kờp bal ală anih lơh broă lơh geh 338 sră kim ta dùl măy dùl ngai, sơrlèt khà jàu 38 sră kim ta dùl măy dùl ngai. Tàm hơ̆, kuang àng ală kơnhoàl: Chư Păh, Chư Sê, Kbang, Krông Pa, Phú Thiện, Ia Pa, Mang Yang...là ală anih lơh geh khà lơh sră kim ta uă ngan rlau jơh.

Cau mblàng Lơ Mu K’Yến