VOV4.K’ho- UBND càr Gia Lai pa geh sră nggal jal mhar sồr ală tiah tàm gùt càr ơm ing ală broă lơh tơrgùm uă cau, broă drơng ala ờ kuơ màng nàng rcang sơndră kòp bơh 12 jiơ mang ngai 08/5.

Jat tơngume sră nggal dê, UBND càr Gia Lai sồr ală tiah tàm gùt càr ơm ală broă lơh niam chài rơgơi, tàp pràn să jan, dơ̆ lơh chờ, broă lơh tơrgùm gal cau; ơm ing ală broă drơng ala ờ kuơ màng bè: karaoke, quán bar, hìu tam ya, massage, anih lơh lơma, ală anih nhơl điện tử, internet, tơnau re dà... bơh 12 jơ mang ngai 08/5. Bàr pe anih lơh sa kă bro bè anih tăc dà kơphê, anih tăc phan sa, dà hùc, tàp pràn să jan tàm hìu geh lơh broă mơya pal lơh jat ală jơnau sồr rcang sơndră kòp; làng bol lòt sền tiah tềl lời wơl kah yau, halà ală tiah nhơl chờ ndrờm pal pơn chèu glòm muh mat. UBND càr Gia Lai sồr ală gah lơh sơnơm gàr niam broă sền gròi sơndră bơtờp kòp; tơnguh broă lòt sền, lơh glài ală cau ờ pơn chèu glòm muh mat tàm tiah mpồl bơtiàn. Kờp tus mho ngai 07/5, Gia Lai neh lơh sir broă lơh cĭt sơnơm ai rlau 18 rơbô ding sơnơm vaccine kơryan kòp Covid-19.

Cau mblàng K’Hạnh