VOV4.K’ho- Tây Nguyên geh sền là kơnhoàl ù tiah geh bơta pràn uă ngan bè ồs đèng mat tơngai bal mờ khà jiơ trồ tơngai gơguh tus bơh 2 rbô tus 2.600 jiơ tàm dùl nam. Broă ngui bơta duh mat tơngai nàng lơh gơlik ồs đèng gam geh ală càr tàm tiah do jơh nùs mu\t lơh.

Ală ngai do, tàm tiah lơh Hìu măy Ồs đèng mat tơngai Krông Pa, xã Chư Gu, kơnhoàl Krông Pa, càr Gia Lai klo săp ntas rơndeh lòt, săp ntas măy mok mờ nùs nhơm lơh broă jal mhar ngan.

Ồng Trần Thanh Bảo, Phó Kuang atbồ Mpồl atbồ rơndăp broă lơh Ồs đèng măt tơngai Krông Pa, Công ty cổ phần Ồs đèng Gia Lai pà gi\t, Hìu măy geh pràn rơndăp lơh gơlik 49 mê ga oat mờ đèng lơh geh là 103 tơlak ki lo oat jiơ pah nam, gam tàm tơngai jal mhar lơh mờ geh lơh gơs, tàm tơrbo\ bal mờ gùng che ồs đèng dà lơgar tàm nhai 11 do tơn, tơnơ\ 8 nhai lơh, mhar rlau 6 nhai pơndrờm mờ broă rơndăp lơh.

Bol a` rwah tiah Krông Pa do tài bơh tiah do geh khà jiơ trồ tơngai uă mờ bức xạ niam ngan ai rơndăp broă lơh ồs đèng măt tơngai, dơ\ 2 tai là gơnoar atbồ tiah do kờ` ngan mờ dong kờl ală bơta ai rơndăp broă lơh do in.

Gia Lai: Ồs đèng mat tơngai rơcang ala đèng lơh bơh dà

Jat ồng Tạ Chí Khanh, Phó Chủ tịch UBND kơnhoàl Krông Pa yal, ù tiah tàm kơnhoàl uă ngan là ù ro kơnra`, lu\ rơđeh lơm, kal ke ngan tam phan, mơya khà jiơ trồ tơngai den gơguh tus rlau 2.600 jiơ dùl nam mờ bơta duh tàm gùt tiah do kung jơnhoa ngan sơl, mờ khà kờp bal là 25 độ C, uă tu\ tơngai ơm tàm khà tus 40 độ C.

Mờ bơta geh bè do, ală rơndăp broă lơh ồs đèng mat tơngai geh đơs là geh lơh geh cồng nha jơh bal bè lơh sa bal mờ tiah ơm kis: ngui geh bơta pràn mờ lơh geh bơta pràn nàng dong bơtàu tơnguh lơh sa- mpồl bơtiàn tàm kơnhoàl r[ah Krông Pa.

Mờ bơta pràn bơh kơnhoàl Krông Pa dê, tu\ do neh geh UBND càr ai gơnoar 17 nă cau bơcri priă in tus sền 19 anih nàng lơh rơndăp broă lơh ồs đèng mat tơngai mờ kờp jơh pràn lơh gơlik 1 rbô me ga oát.

Do là bơta pràn uă ngan pơgồp bơnah bơtàu tơnguh ồs đèng lơh geh wơl bal bơh dà lơgar dê kung là bơnàng jă nàng kơnhòal Krông Pa in, pơn jat tai lơh jat broă lơh tam gơl rơndăp tăp sèng lơh sa bơh broă tơrmù priă geh bơh gah lơh broă sa sươn sre, tơnguh priă lơh geh bơh gah lơh sa mờ măy mok tàm tu\ tơngai tus.

Gia Lai: Ồs đèng mat tơngai rơcang ala đèng lơh bơh dà

Gia Lai là dùl tàm ală càr lam lài lơh ală rơndăp broă lơh ồs đèng lơh geh wơl, tàm hơ\ geh ală rơndăp broă lơh đèng mat tơngai. Ồng Hồ Phước Thành, Kuang atbồ Sở Kế hoạch mờ Đầu tư càr Gia Lai pà gi\t, tus tu\ tơngai do, neh geh 23 rơndăp broă lơh bơcri priă dan lơh 33 rơndăp broă lơh ồs đèng mat tơngai mờ kờp jơh pràn lơh gơlik mờr 4 rbô me ga oat. Tàm hơ\ geh 11 nă cau bơcri priă neh geh càr dan mờ Bộ Công thương bơtơl ai ù tiah mờ geh 2 rơndăp broă lơh neh geh ki\ mờ lơh.

Sền do là pơlam gùng dà broă lơh kuơmàng tàm broă lơh ồs đèng lơh geh wơl, dong bơtàu tơnguh lơh sa- mpồl bơtiàn, bal mờ ală broă dong kờl bơh dà lơgar dê bè dong kờl uă bơta, càr kung geh uă broă dong kờl nàng hòi jà ală rơndăp broă lơh do. Ală sră nggal geh lơh dùl êt mờ [ươn, broă ai ù lơh broă geh gơnoar atbồ tiah do pơgồp bal mờ mpồl lơh sa kă bro nàng lơh mhar tơngai pơrgon lơh.

Ală cau bơcri priă tus mhar mờ uă mờ lơh jơh nùs ngan bè hơ\ là tài bơh uă jơnau, tàm hơ\ geh broă lơh niam tiah bơcri priă bơh càr dê, kung bè bơta dong kờl bơh gơnoar atbồ ală kấp dê ai ală cau bơcri priă in. Tu\ do, bol a` gam pơgồp bal mờ mpồl lơh sa kă bro tàm uă broă, geh ală broă bol a` lơh mơkung dong ai mpồl lơh sa kă bro in tơn ru\c lơyah tu\ tơngai.

Gia Lai: Ồs đèng mat tơngai rơcang ala đèng lơh bơh dà

Ờ geh nhơm [ơ\ tơlik bơdìh, ờ geh phan [ơ\ tuh bơdìh mờ gam ngui tai ồs đèng lơh gơlik wơl uă ngan mờ ờ tu\ lơi jơh, ală rơndăp broă lơh ồs đèng mat tơngai tàm Gia Lai geh kơ\p kơnờm geh cèng wơl ală bơta tam gơl dờng ai gah lơh sa mờ măy mok tàm tiah do in.

Mờ broă lơh ală rơndăp broă lơh ồs đèng mat tơngai kung dong ai gah lơh đèng in gơmù [à jơnau kơnờm uă ir tàm ală rơndăp broă lơh ồs đèng bơh dà, gơtùi ala bàr pe rơndăp broă lơh đèng bơh dà lơh gơlik uă jơnau gơlời wơl ờ niam bè mpồl bơtiàn mờ tiah ơm kis.

Cau mblàng Lơ Mu K’Yến