VOV4.K’ho- Jat mpồl đơng lam rơcang sơndră kòp Covid-19 càr Gia Lai yal, kờp tus 7 jơ drim ngai 10/9/2021, càr Gia Lai neh ai mẫu xét nghiệm ai 5 rbô 242 nă cau in, tàm hơ̆ geh 11 nă cau bơtờp mờ virus Sars CoV-2, mùl màl: 7 nă cau bơtờp wơl mờ virus Sars CoV-2 tơnơ̆ tŭ sơm bời, rê bơh hìu sơnơm mờ lơh jat broă gròi sền tàm hìu. 2 nă cau là F1 gơ rềng tus mpồl cau bơtờp kòp tàm hìu sơnơm dờng. 1 nă cau là F1 gơ rềng tus mpồl cau bơtờp kòp cau ling mờng chài lơh kơnòl broă còr bơsơt kau su tàm ƀòn dờng Pleiku tŭ do gam tam cah is jat jơnau sồr. 1 nă cau là cau bơh ƀòn dờng Hồ Chí Minh rê, lài hơ̆ neh geh lam lòt tam cah is tơrgùm bal tàm hìu nac Tre Xanh. Bè hơ̆, kờp bơh ngai 28/5/2021 tus 7 jơ drim ngai 10/9/2021, tàm càr geh 522 nă cau bơtờp mờ virus Sars CoV-2, tàm hơ̆ geh 56 nă cau bơtờp wơl.

Cau mblàng K’Duẩn