VOV4.K’ho – Drim òr (14/5), tàm càr Gia Lai, Ủy ban tiah nhàr dà lơgar - Bộ Ngoại giao pơ gồp bal mờ UBND càr Gia Lai bơyai lơh Pơrjum mblàng yal bè broă lơh tiah nhàr dà lơgar ù tiah. Tàm pơrjum, ală kuang bàng geh yal bè ală bơta gơlik geh mờ gùng dà, broă lơh bơh Đảng mờ Dà lơgar he dê gơ wèt mờ broă bơsong bơta tàm dà lềng đah mattơngai lik; cồng nha lơh geh mờ bơta lòng, bơta kal ke gam geh tàm broă bơsong tiah nhàr dà lơgar đang ù gờl đah Việt Nam mờ Campuchia, ală kơnòl broă pal lam lơh tàm tơngai tus.

 Pơrjum là tu\ nàng kuang đơng lam bồ bơh 4 càr là Gia Lai, Kon Tum, Dak Lak mờ Dak Nông git jơnau yal bè broă lơh tiah nhàr dà lơgar ù tiah, bồt dà lềng mờ cribơyai mờng chài tàm broă lam lơh ală broă lơh mblàng yal geh cồng nha bè broă lơh atbồ, sền gàr tiah nhàr dà lơgar. Bơh hơ\ pơgồp bơnah bơt bơtàu gùng nhàr dà lơgar ring lơngai, lơh bơyô, lơh gơs tiah ơm kis ring niam kơ\ kơljap nàng drơng broă lơh bơtàu tơnguh lơh sa - mpồl bơtiàn tàm tơl càr.

Cau mblàng K’Duẩn