VOV4.K’ho- Drim ngai 02/4, Ủy ban Nhân dân càr Gia Lai bơyai lơh pơrjum pờ tơlik tơn tàm internet sền wơl broă lơh bơtàu tơnguh lơh sa- mpồl bơtiàn, sền gàr lơngap lơngai, sền gàr dà lơgar quý 1, lam lơh kơnòl broă quý 2 nam 2021. Quý 1 nam 2021, bulah pal kong mờ uă kal ke tài bơh kòp Covid-19 gơbàn tàm 2, 3 tiah tàm càr, mơya càr Gia Lai neh lơh ngan kơryan gơtùi kòp bơ tờp.

àm quý 1 nam 2021, lơh jat ring bal kơnòl dơ̆ lĕ bal, ờ mìng rơcang sơndră kòp Covid-19 mờ gam tơrgùm bơtàu tơnguh lơh sa- mpồl bơtiàn, tơn jơh kàl lơh sa mrềt prang nam 2020- 2021, jơh gùt càr neh sih tam rlau 77 rbô lồ chi tam ală bơta. Cồng nha lơh sa công nghiệp 3 nhai bồ nam 2021 geh rlau 5 rbô 525 tơmàn đong. Kờp jơh priă bơcri jơh gùt mpồl bơtiàn tàm càr 3 nhai bồ nam kờp dŭ geh 13 rbô 996 tơmàn đông, geh 20% broă rơndap lơh.

Kung tàm quý 1, càr neh ring bal kơrnuat gùng dà bơcri priă ai 7 rơndap broă lơh in mờ kờp jơh priă bơcri cih mat 1 rbô 988 tơmàn đông mờ geh 220 mpồl lơh sa kă bro, 48 mpồl lơh broă geh crơng gơs pa.

Cau mblàng K’Duẩn