VOV4. K’ho - Bồ bơnơm ồs Chư\ Dang Ya di tàm [òn Ia Gri, xã Chư\ Dang Ya, kơnhoàl Chư\ Pah, càr Gia lai gam bic niam git nđờ rhiang nam do neh lơh geh dùl ù tiah ơning ơnàng, nđiơm gơs mờ ua\ ngan tờm quỳ lì bơkào rmit tàm tu\ lồi nhai hàm. Bal mờ hơ\ la mpồl bơtìan cau Jarai mờ ơm kis, lơh broa\ sa krơi is mờ rài kis nùs nhơm li la ngan. Bơta niam bơh phan bơna trồ tiah geh is mờ kòn bơnus tiah do neh gơ gơs la dùl anih nhơl chờ niam bơne\ ngan bơh càr Gia Lai. Mờ mùl màl ù tiah gùt dar bơnơm ồs  Chư\ Dang Ya gam geh [òn lơgar lơh ngan bơcri nàng gơ gơs la anih nhơl chờ gơ hòi gơ jà` tàm rnàng tơnơ\ do.

            Ua\ nam do,  bal mờ broa\ lơh sươn mir mờ broa\ lơh đoàn, bi Pyưi, Bí thư chi đoàn ơruh pơnu [òn Ia Gri, xã Chư\ Dang Ya, kơnhoàl Chư\ Păh, gam lơh bal la cau pơlam nhơl chờ. Pah dơ\ geh mpồl nac bơh ngài tus sền  bơkào quỳ, bi Pyưi geh jà khi mut còp [òn Ia Gri niam bơne\ he dê. Bal mờ bi Pyưi, làng bol tàm [òn yal tơnggit tai ua\  phan bơna  he lơh geh bè bơh tờm ju brê,  ca ỳo`, hala geh sa ala\ phan sa Jarai jat bơta kờ` bơh cau nac. Bi Pyưi ai git:

            A` la dùl na\ đoàn viên  ơruh pơnu tàm [òn, tu\ nac nhơl chờ tus còp Chư\ Dang Ya den a` lam nac tus còp dà mbòr, hìu bồc,  hìu duh khoai yau. A` geh mblàng jat bơta a` git wa\ he dê bẻ anih hơ\ nàng khi wa\  bơh gơ geh, bơhìan ơm kis bơh cau Jarai tàm  bồ bơnơm  Chư\ Dang Ya.

             Bơnơm Chư\ Dang Ya, kơnhoàl Chư\ Pah dờng lùp, niam bơne\,  dùl ù tiah nđiơm gơs tòm  nam drờm geh chi tơlir, phai sa. Tiah do tàm pah tu\ lồi nhai hàm, bơkào quỳ geh gơ lì rmit crư, niam bơna\ mờ bè gơ geh bơh yau  bơh đang bồ bơnơm gơ mù ring tus ala\ dòr bơnơm mờ jat gah ala\ gùng lòt. Nhai lơi geh phan sa hơ\, làng bol geh tam pơdar lơh kòi, tam biap,  tam ca yònh. Jơh mờ tiah bơnơm ồs Chư\ Dang Ya geh lơh gơ tam pà gơs ua\ rùp lơm pòng mờ ala\ bơta kis niam lơh geh pang rùp niam krơi, ngai lơ ngò lơh gơ kờ` kup jơng  nac bơh tiah ngài. Mò Tôn Nữ Thanh Nga, cau nac tus bơh Kon Tum lòt còp bơnơm ồs Chư\ Dang Ya ai git:

             A` geh  klo  pờ tàm zơdio, sền tàm mạng, tàm sra\ bao\ bè lơh chờ bơkào quỳ den tàng a` tus tềng do. Bơkào  quỳ tàm do niam ngan, bơnơm ồs Chư\ Dang Ya gơ lơh niam ngan mờ a`, a` sền gơ den la niam ngan, dờng lùp ngan. Bơta  dờng lùp bơh bơnơm ồs mờ dòr bơkào quỳ niam bơne\ bè do den a` geh yal tơnggit, yal gơp bơyô, cau rềp mềr a` dê git  mờ tus tiah do.

             Lồi nam 2018, kơnhoàl Chư\ Păh bơyai lơh chờ bơkào quỳ- bơnơm ồs Chư\ Dang Ya dơ\ 2, gơ hòi cau nac tus 145 rbô na\ cau. Bơta kuơ ngan  la cau tờm geh lơh chờ la cau Jarai kis bơh yau. Khi la cau tờm lơh chờ,  la cau tờm ala\ hìu ràng phan bơh lơh geh, la cau pơlam nhơl chờ, la cau tru\ sa bơh ala\ phan sa krơi is cau Jarai. Bi An Gran, atbồ [òn Ia Gri, xã Chư\ Dang Ya ai git,  làng bol tàm do chờ ngan tu\ geh wa\ cau nac bơh tiah ngài tus mờ [òn tờm he dê:

             Tu\ lài ờ hềt geh dơ\ lơh chờ bơkào quỳ den  làng bol tàm do mìng lòt lơh mìr lơm. Kal ke ngan. Tơnơ\ hơ\ cau git tus bơnơm ồs Chư\ Dang Ya mờ jòi tus den làng bol geh sơnđờm tam gơl, tus bal tàm dơ\ lơh chờ mờ geh tai pria\ jền.Nđờ nam do go\ gơ lơh krơi is rlau mờ ala\ nam lài, a` chờ ngan tài dơ\ lơh chờ gơ hòi  gal ngan cau nac.

             Kung tàm nam 2018, UBND kơnhoàl Chư\ Păh, càr Gia Lai neh bơcri  geh mờr rlau jơt tơmàn pria\ nàng lơh gùng da\ chài mờ tam tai rlau 400 tờm chi jat 2 đah gùng xã mut tus tàm bơnơm ồs Chư\ Dang Ya. Pơ gồp bal mờ gơnoar atbồ [òn lơgar, git nđờ jơt hìu nha\ làng bol tàm ala\  [òn Kó, [òn Ia  Gri, xã Chư\ Dang Ya neh ai ù lơh gùng lòt.  Sền go\ [òn he dê slơ ngai slơ niam,  pas rlau,  ồng Djya chờ hờp đơs:

             A` kơp kờ` dà lơgar pơnjat tai bơcri rlau tai ai  [òn  bol a` in. Sa\ tờm  làng bol tàm [òn kung geh lơh ngan bơsram cing mồng chài ngan, jak ngan. Cau ùr bơsram  tam ya xoang di ngan. Bơh hơ\, bol a` geh tus bal yal tơnggit cau nac in ala\ bơta niam ngan bè chài rgơi  mờ phan sa bơh cau Jarai bol a`.

            Tu\ do,  càr Gia Lai gam lơh broa\ lơh ‘’{òn nhơl chờ cau Jarai di pal lơh sir jơh’’ tềng đang dòr bơnơm ồs Chư\ Dang Ya mờ ba\ ù 5 lồ, khà pria\ di 1 tơlak  dollar. Jat hơ\,  [òn nhơl chờ geh lơh git nđờ jơt nơm hìu bơhìan hờ đang kòn cau. Tàm dơlam geh bơnha\ ồs,  geh anih ơn tơrnờm be\, lơh wơl rài kis, ngui sa pah ngai bơh cau Jarai. Bal mờ hơ\,  [òn nhơl chờ geh dà mbòr, hìu bồc, tiah lơh sa, ròng  ê phan  ròng dờng, iar, ơda. Broa\ lơh do  nàng wèt tus broa\ lơh nhơl chờ mpồl bơtìan, dong cau nac gơtùi sa bal, ơm bal, lơh broa\ bal nàng  geh git ngan bơta niam  tàm rài kis  lang bol kis bơh yau. Mò Trần Thị Kim Tuyến, Phó Chủ tịch UBND kơnhoàl Chư\ Păh, càr Gia Lai ai git tai:

             Pal ai git loh ai ala\ kấp uỷ, gơnoar atbồ xã, mặt trận ala\ mpồl bơtìan, ngan la hòi jà bơta ta\ pơ gồp bơh làng bol tus bal. Bơta hơ\ geh pơ gồp tàm broa\  ai geh broa\ lơh, tơngguh pria\ geh, bơtàu tơngguh rài kis bơh làng bol.

             Mờ bơta lơh ngan bơh càr Gia Lai bal mờ dùl nùs bal,  trơ gùm bal bơh làng bol [òn lơgar, bơnơm ồs Chư\ Dang Ya gam rhời gơ klo\ gơ crà, la anih tus nhơl chờ chài rgơi, mpồl bơtìan gơ hòi gơ jà mờ gơ hòi ngan tàm càr Gia Lai.

          Cau mblàng K’ Brọp