VOV4.K’ho- Tơnơ̆ mờr 1 nhai lam lơh, Ủy ban mặt trận dà lơgar Việt Nam càr Gia Lai neh dờp geh rlau 10 tơmàn đong priă tă pơgồp bal bơh ală mpồl cau, cau  dùl nă să is dong kờl nàng kờñ sơm bat tê bal tă pơgồp tàm kes priă rcang sơndră kòp Covid-19.

Ală cau geh nùs nhơm niam tă pơgồp bal tàm kes priă rcang sơndră kòp Covid-19

Jat Ủy ban Mặt trận dà lơgar Việt Nam càr Gia Lai yal, tơnơ̆ mờr 1 nhai lam lơh, neh geh rlau 200 mpồl lơh broă, ală mpồl cau bal mờ uă ngan làng bol tă pơgồp bal mờ khà priă rlau 10 tơmàn đong nàng rcang sơndră kòp Covid-19. Bơdìh mờ tă pơgồp bal mờ priă mat nàng sơm bat tê bal mờ càr Gia Lai blơi ală phan bơna, sơnơm tơm ƀa dong kờl ai broă lơh rcang sơndră kòp, ală cau geh nùs nhơm niam gam tă pơgồp bal mờ uă ngan phan bơna bè phan sa, dà hùc, chèu glòm muh mat... ai tiah ai ơm yah ngài, ală mpồl lơh broă lam lơh kơnòl broă tiah lam lài sơndră kòp in.

Cau mblàng K’Hạnh