VOV4.K’ho- Jat Quyết định sồ 596 bơh UBND càr Gia Lai dê, bơh ngai 20/9 tus tŭ do, mờr 14 rơbô nă làng bol gơtìp kal ke tài gơrềng bơh kòp Covid-19 geh dờp phe dong kờl bơh Chính phủ dê.

Đăk Đoa là dùl tàm ală kơnhoàl sơnrờp bơh càr Gia Lai dê geh jàu phe nàng dong kờl làng bol gam gơtìp kal ke tài bơh kòp Covid-19, bơh ngai 20/9 tus tŭ do, Cục ơn prap dà lơgar tiah đah Tô Tây Nguyên dê neh jàu phe tus 8 xã, thị trấn bơh kơnhoàl dê mờ broă pà phe gam geh lơh. Nàng khà phe dong kờl tus di tŭ mờ di cau, mơkung gàr niam bơta ờdo ờdă rcang sơndră kòp, ală thôn, xã neh rơndap tap sèng mpồl cau, ai tơngai pà phe di pal, mơkung yal ngan ngồn tus tơl hìu bơnhă làng bol in. Jat tam pà bơh Chính phủ dê, tàm dơ̆ do Gia Lai geh jàu rlau 200 tấn phe, nàng dong kờl ai rlau 3 rơbô 300 hìu bơnhă in mờ mờr 14 rơbô nă cau tàm 10 kơnhoàl. Tơl nă cau geh dong kờl 15 kĭ phe tàm dùl nhai.

Cau mblàng K’Hạnh