Gia Lai: Rò 296 nă làng bol rê bơh tiah gơtìp kòp
Thứ ba, 10:38, 19/10/2021

VOV4.K’ho- Ngai 18/10, mpồl lơh broă bơh càr Gia Lai dê neh rò 296 nă làng bol tàm hơ̆ geh cau ùr bun, kơnòm dềt, cau kra, cau kòn cau lơh broă, ơm kis tàm tiah geh kòp hờ đah jum dà lơgar rê tus càr ờdo ờdă.

Lài mờ hơ̆, mpồl lơh broă bơh càr Gia Lai dê geh 22 nă cau, mờ broă dong kờl bơh 13 nơm rơndeh nac jơ nờng bic bơh hìu rơndeh Phương Trang dê neh lòt gùng rò làng bol bơh càr dê tàm tiah gơtìp kòp. Mpồl tam pà gơs 3 mpồl dềt lòt rò làng bol tàm 3 anih tàm 2 càr Bình Dương, Đồng Nai mờ ƀòn dờng Hồ Chí Minh. Tus 3 jơ mho ngai 17/10, mpồl sơn đờm lòt mờ rê tus càr Gia Lai tàm drim ngai 18/10. Tŭ rê tus anih tam cah is, ală làng bol geh kuang bàng, cau ling pơlam lơh kloh vi khuẩn, was bơta duh să jan; yal tiah lòt rê, mờ kung tam pà, rơndap ai ơm tam cah is ờdo ờdă mờ di jơnau sồr. Dơ̆ do, kờp dŭ bơh sơn rờp càr geh rò 604 nă cau, mơya tài uă jơnau krơi is den tàng khà cau rê ờ uă rơlao.

Cau mblàng K’ Duẩn

Tags:

Viết bình luận

TIN CÙNG CHUYÊN MỤC