VOV4.K’ho- Drim òr (27/10), geh 326 nă làng bol càr Gia Lai bơh tiah gơtìp kòp tàm ală càr hờ đah jum neh geh mpồl kuang bàng lơh broă bơh càr rò rê tus ƀòn dờng Pleiku ờ do ờ dă.

                           Gàr niam ờ do ờ dă lài mờ tŭ ai làng bol lơh jăt broă tam cah is tơrgùm bal

Ală làng bol geh rò rê dơ̆ do là kơnòm bơsram mầm non, cấp 1 bal mờ cau mè bèp kơnòm bơsram gam gơtìp kòl tàm ƀòn dờng Hồ Chí Minh, 2 càr Bình Dương, Đồng Nai. Tơnơ̆ mờ tŭ neh rê tus ƀòn dờng Pleiku, 125 nă làng bol bơh ƀòn dờng Hồ Chí Minh rê geh ai lòt tam cah is tơrgùm bal tàm anih tàp ling, bơto bơtơl jơnau ngăc ngar sền gàr bơta lơngăp lơngai dà lơgar gơwèt Trung đoàn Bộ binh 991, gơwèt mpồl đơng lam ling klàng càr Gia Lai. Ală làng bol gam tai bơh 2 càr Bình Dương mờ Đồng Nai rê geh tam cah is tơrgùm bal tàm hìu bơsram Cao đẳng broă lơh sồ 21 gơwèt Binh đoàn 15. Broă dờp, rò làng bol rê tus tàm ƀòn lơgar geh lơh niam ờ do ờ dă, lơh jăt ală kơrnoăt geh ai bè rơcang sơndră mờ kòp Covid-19.

Cau mblàng Ndong Brawl