VOV4.K’ho- Nàng rơcang ai dơ̆ pơrlòng jơh bơsram kấp 3 dà lơgar in, Sở Giáo dục mờ Đào tạo càr Gia Lai neh bơt bơtàu rơndap broă 4 khà nàng sơndră mờ kòp Covid-19. Jat Sở Giáo dục mờ Đào tạo càr Gia Lai yal, dơ̆ pơrlòng jơh bơsram kấp 3 nam do, càr geh rlau 14 rbô nă cau cih mat pơrlòng, geh lơh tàm 39 anih pơrlòng. Tŭ do bal mờ bơyai lơh pơlam lơh jơnau pơrlòng ai kơnòm bơsram in, càr Gia Lai sơlơ tơnguh broă mblàng yal, di tŭ yal jơnau tơnggit ai kuang bàng, cau pơgru, cau lơh broă mờ cau pơrlòng, mè bèp in bè broă gơlik geh bơh kòp bơtờp dê bal mờ ală jơnau pơlam bơh anih lơh broă geh gơnoar dê bè rơcang sơndră kòp. Lam lơh jat nền nòn jơnau sồr 5K lài mờ tŭ, tàm tŭ mờ tơnơ̆ tŭ pơrlòng... nàng dơ̆ pơrlòng in geh lơh ờdo ờdă, di mờ tŭ tơngai tàm bồ nhai 7 tus do. Sở Giáo dục mờ Đào tạo Gia Lai sồr ală kơnòm bơsram tus bal dơ̆ pơrlòng, kuang bàng sền pơrlòng mờ ală cau lơh broă tàm dơ̆ pơrlòng pal lơh jat broă yal gah lơh sơnơm in lài 7 ngai dơ̆ pơrlòng geh lơh.

Cau mblàng K’Duẩn