VOV4.K’ho - Mho òr (19/07), Mpồl đơng lam rơcang sơndră mờ kòp Covid-19 càr Gia Lai ring bal rơndăp broă rò 1 rơbô nă làng bol bơh ƀòn dờng Hồ Chí Minh mờ càr Bình Dương (do là ală tiah gam gơtìp kòp Covid-19 gơtìp kal ke) rê hờ càr.

Mùl màl, càr Gia Lai geh bơyai lơh rò 1 rơbô nă làng bol, tàm hơ̆ geh cau kra, kơnòm dềt, cau gơtìp kòp tê jê să, kal ke bè priă jền, cau lơh broă gơtìp roh broă lơh, cau lơh broă kòn cau, cau ùr geh bun. Rơndeh rò là rơndeh par mờ rơndeh ôtô. Ală làng bol do geh hìu nhă tàm tiah lơi den geh dờp, jun rê tus tàm tiah hơ̆ tam cah is di jăt mờ kơrnoăt geh ai. Tềng đăp mờ bơta kal ke bơh kòp Covid-19 tàm ală càr rềp bal, mờ khà cau gơtìp kòp Covid-19 pa tàm càr do kung gơguh pơn jăt tơn, càr Gia Lai neh ai 21 anih tam cah is tơrgùm bal tàm gùt càr, mờ kờp jơh bơta pràn geh dờp di pơgăp mờr 3 rơbô nă.

Cau mblàng Ndong Brawl