VOV4.K’ho- Mpồl lơh broă geh gơnoar càr Gia Lai dê pa sền go\ rlau 4 lồ brê rcăng gàr bồ tô dà mờ brê lơh sa gơ wèt bă brê Mpồl atbồ brê rcăng gàr bồ tô dà Chư Mố, kơnhoàl Ia Pa dê gơtìp chu aniai tìs mờ kơrnoat boh lam.

Gia Lai: Sền go\ rlau 4 lồ brê gơtìp chu aniai   

Jat mờ hơ\, mpồl kảnh sát rcăng sơndră cau lơh tìs bè tiah ơm kis, Kuang àng càr Gia Lai, Hạt Kiểm lâm kơnhoàl Ia Pa pơgồp bal mờ Mpồl atbồ brê rcăng gàr bồ tô dà Chư Mố lam mpồl kuang bàng lòt sền tàm ală bă brê 1179 mờ 1183, ù tiah kơnhoàl Ia Pa.

Bơh hơ\, mpồl lòt sền neh sền go\ 9 tiah brê rcăng gàr bồ tô dà mờ brê lơh sa gơtìp chu aniai. Tàm tiah brê gơtìp chu aniai, jơh ală dơm chi, nhơ\t neh gơtìp chu ồs sa jơh bal mờ kờp jơh bă brê gơtìp hoàc hươr là rlau 4 lồ, uă ngan là brê lơh sa. Tu\ do, Hạt Kiểm lâm kơnhoàl Ia Pa gam lơh gơs sră nggal broă do nàng lơh glài jat di jơnau cih bơh kơrnoat boh lam dê.

Cau mblàng Lơ Mu K’Yến