VOV4.K’ho-Kàl prang nam do tàm càr Gia Lai sùm gơlik geh ală dơ\ ồs sa brê, lơh ồs sa gi\t nđờ jơ\t lồ brê. Brê pa tam gơtìp ồs sa, brê tam uă nam kung gơtìp ồs sa sơl. Pal sền ngac là bàr pe dơ\ ồs sa brê geh bơh bơta ờ sền ngac, ờ go\ rcăng mờ lơh broă ờ jơh kơnòl bơh cau tờm brê dê.

3 nhai bồ nam do, tàm bă brê bơh Mpồl atbồ brê rcang gàr bồ tô dà Đăk Đoa, càr Gia Lai dê gơlik geh 2 dơ\ ồs brê. Dơ\ pa ngan rlau jơh gơlik geh tàm ngai 18 mờ 19/3, lơh mờr 7 lồ brê geh is mờ pơgăp 3 lồ chi keo, bời lời bơh làng bol dê gơtìp ồs sa. Lài hơ\, tàm bồ nhai 1 nam do, kung tàm bă brê do sơl, rlau 10 lồ brê nho tam bơh ală nam 2003, 2004 mờ 2010 gơtìp ồs sa.

                               Dùl dơ\ ồs sa brê tàm Mpồl atbồ brê rcang gàr bồ tô dà Đăk Đoa

Pal sền ngac, jơnau lơh gơbàn ồs sa là tài bơh bơta ờ go\ rcăng ngac bơh să tờm cau tờm brê dê tơn, lơh jat tìs mờ broă pơlam lơh mờ jơnau sồr bè pềs chu nhơ\t chi che hòn lềng gơlam tus ồs sa brê. Ồng Nguyễn Hồng Quân, Phó Kuang atbồ Mpồl atbồ brê rcang gàr bồ tô dà Đăk Đoa dờp:

Broă gơlik geh lài tài bơh anih lơh broă do geh broă lơh ki\ hơ pơrgon mờ cau lơh broă rcang sơndră ồs sa nam 2018. Tơngai lơh là lồi nhai 12. Bơh ală tu\ lơh den anih lơh broă do kung sền go\ sơl là kuàng bàng sền gròi ờ hềt nền non, mờ tơngai pơlam làng bol den ờ hềt geh lơh niam ngan. Anih lơh broă do geh kah đà ngan nàng tơngai tus lơh gơ in niam rlau.

Ờ mìng brê geh is, brê tam uă nam lơm, uă bă brê pa tam kung gơtìp ồs sa sơl. Pơneh ngan là dơ\ ồs sa gơlik geh tàm ngai 27/1 lài do tàm Mpồl atbồ brê rcăng gàr bồ tô dà Chư Sê. Mờr 14 lồ chi keo pa tam tàm nam lài neh gơtìp ồs sa jơh. Ồng Đinh Mạnh Phong, Kuang atbồ Mpồl atbồ brê rcang gàr bồ tô dà Chư Sê pà gi\t, bă brê gơtìp ồs sa là tài bơh mpồl lơh broă do ki\ sră pơrgon mờ ală hìu làng bol tam.

                                    Sùm gơlik geh jơnau ồs sa brê tàm Gia Lai

Pal sền ngac, jơnau lơh gơbàn ồs sa là tài bơh bơta ờ go\ rcăng ngac bơh să tờm cau tờm brê dê tơn, lơh jat tìs mờ broă pơlam lơh mờ jơnau sồr bè pềs chu nhơ\t chi che hòn lềng gơlam tus ồs sa brê. Ồng Nguyễn Hồng Quân, Phó Kuang atbồ Mpồl atbồ brê rcang gàr bồ tô dà Đăk Đoa dờp:

Broă gơlik geh lài tài bơh anih lơh broă do geh broă lơh ki\ hơ pơrgon mờ cau lơh broă rcang sơndră ồs sa nam 2018. Tơngai lơh là lồi nhai 12. Bơh ală tu\ lơh den anih lơh broă do kung sền go\ sơl là kuàng bàng sền gròi ờ hềt nền non, mờ tơngai pơlam làng bol den ờ hềt geh lơh niam ngan. Anih lơh broă do geh kah đà ngan nàng tơngai tus lơh gơ in niam rlau.

Jat ồng Trương Văn Nam, Phó Kuang atbồ Phòng atbồ mờ sền gàr brê gơ wèt Chi cục Kiểm lâm càr Gia Lai yal, 3 nam lài, càr ờ gơlik geh dơ\ ồs sa brê lơi. Mơya, bơh bồ nam tus tu\ do, sùm gơlik geh ală dơ\ ồs sa brê. Tàm hơ\ geh 3 dơ\ ồs sa dờng, gơ sa jơh 33 lồ brê.

                    Ồs sa brê geh bơh bơta ờ rcăng ngac mờ bơta ờ pràn jak bơh mpồl cau tờm brê dê

Bal mờ jơnau là tài bơh trồ tiah nam do ờ niam ngan, tơngai duh jo\ jòng den ồs sa brê kung geh sơl bơh jơnau là tài bơh bơta ờ rcăng ngac, lơh broă ờ jơh kơnòl bơh ală mpồl cau tờm brê dê:

Trồ tiah tơngai duh, ro kơnra` ngan, geh ồs là gơlik tơn jơnau ồs sa brê. Pơnyơu bè Mpồl atbồ brê Đăk Đoa, ală oh mi tàm hơ\ chu tơdau mìr lài mơya lơh ờ di jat broă lơh den gơlik ồs sa, aniai tus brê. Là anih lơh broă sùm rcang sơndră mờ crùh ồs sa brê kấp càr, bol a` geh pơn jat tai geh sră nggal sồr mờ sồr ngan ală anih lơh jat niam nàng tơrmù tus lơyah ngan rlau jơh jơnau ồs sa brê gơlik geh tàm càr.

Càr Gia Lai tu\ do gam pơgăp 600 rbô lồ brê, tàm hơ\, pơgăp 70% bă brê gam ơm tàm bơta yal lài uă ngan, bơta tơngkah ngòt rơngơ\t ngan. Mờ broă sùm lời gơlik geh jơnau ồs sa brê bè tơngai pa do neh pà go\ bơta ờ rcăng ngac tàm broă lơh rcang sơndră ồs sa brê bơh uă mpồl cau tờm brê dê. Tềng đap bơta geh ngan do, UBND càr Gia Lai pa geh Sră đơng lam mhar, sồr ală anih lơh broă geh gơrềng, gơnoar atbồ ală kơnhoàl bal mờ ală mpồl cau tờm brê lơh jat niam, wil tơl ală tơngume rcăng sơndră ồs sa brê.

Cau mblàng Lơ Mu K’Yến