VOV4.K’ho - Jăt Sở Công thương càr Gia Lai yal, bơh bồ nam tus tŭ do, kờp jơh khà priă tăc phan mờ lơgar bơdìh càr dê kờp dŭ geh 360 tơlăk dolar Mỹ, geh 59% rơndăp broă gùt nam, gơguh 22,3% pơn drờm mờ tŭ do nam lài. Tàm hơ̆, kơphe là phan tăc tờm ngan mờ lơgar bơdìh, geh 57,5% khà priă tăc phan mờ lơgar bơdìh.

                                                   Broă sơnkah sền gàr kơphe tàm càr Gia Lai

Mùl màl, tàm 7 nhai do, khà kơphe tăc mờ lơgar bơdìh tàm càr Gai Lai geh 138 rơbô tấn, ndrờm mờ khà priă geh 207 tơlăk dolar Mỹ. Pơn drờm mờ tŭ do nam 2020, tăc kơphe mờ lơgar bơdìh gơguh rơlao 20% bè phan mờ gơguh rơlao 24% bè khà priă. Sở Công thương càr Gia Lai pà gĭt, tơngai do, ală mpồl lơh sa kă bro tăc kơphe mờ lơgar bơdìh neh mhar bơ̆t bơtàu tiah lơh kơphe rơlao 34 rơbô lồ jăt mờ khà 4C; UTZ, Organic; geh lơh rơndăp broă, bơyai lơh sa di pal tàm bơta kòp gơtờp; lơh di mờ bơta tŭ do bơh kơl dung, bơta niam phan geh lơh, jòi anih lơh gơs, yal ù tiah lơh gơs; ngui niam ală broă niam bơh ală hiệp định kă bro.

Cau mblàng Ndong Brawl