VOV4.K’ho - Drim òr (26/03), càr Gia Lai bơyai lơh lam sồr tam chi “Tài dùl lơgar Việt Nam tơlir” tàm tiah nhơl chờ Biển Hồ xã Biển Hồ, ƀòn dờng Pleiku.

                                     Làng bol kis tàm càr Gia Lai dờp bal dơ̆ tam chi nam 2021

Tàm dơ̆ pơrjum, kuang đơng lam Tỉnh ủy, UBND càr Gia Lai, ala măt ală sở, gah lơh broă tàm càr do bal mờ mpồl dong kờl neh tam 200 tòm nho gùt dar tiah nhơl chờ Biển Hồ (Gam sơnđan là Tơnao Tơ Nưng) tàm xã Biển Hồ, ƀòn dờng Pleiku.

Tàm do, Chủ tịch UBND càr Gia Lai pà gĭt, càr do wèt tus tơngu me bơ̆t bơtàu càr gơs “tiah kơh bơnơm tơlir tài bơta pràn kơl dang să jan”, tam chi, tam brê ờ mìng là broă tiah kis, mờ gam gơrềng tus mờ broă tơnguh bơtàu lơh sa, mpồl bơtiàn, bơta chài rơgơi mờ nhơl chờ.

Tàm 5 nam do, càr neh tam geh 20 rơbô lồ brê mờ tòm chi tam cah is. Nghị quyết pơrjum dờng Đảng bộ càr Gia Lai dơ̆ 16, tơngai lơh broă bơh nam 2021 tus 2025 kung neh ai tơlĭk tơngu me tam pa 40 rơbô lồ brê, tơnguh khà gơtìm brê tàm càr do tus 47,75% tàm 5 nam tus.

Cau mblàng Ndong Brawl