VOV4.K’ho - Ngai òr (01/04), hìu sơnơm kơnhoàl Ia Grai, càr Gia Lai lơh jăt broă tam cah is broă lơh sơnơm mờ 1 nă cau klao pơnu dô lĭk bơdìh tiah tam cah is tơrgùm gal cau bơh càr Lạng Sơn rê tàm ƀòn.

Jăt jơnau yal bơh anih tờm sền gròi kòp tê jê să càr Gia Lai, ngai 14 nhai 3, klao pơnu sơnđan là Nguyễn Công Giá deh nam 2000, kis tàm ƀòn Văn Yên, xã Ia Yok, kơnhoàl Ia Grai geh tam cah is tàm anih tờm Quân đoàn Chi Lăng, càr Lạng Sơn. Tàm do, klao do geh ai phan xét nghiệm 1 dơ̆ mờ ai gŏ cồng nha ờ gŏ mờ kòp.

Tus mang ngai 23 nhai 3, bŭ lah ờ hềt jơh tơngai tam cah is di jăt mờ kơrnoăt neh geh ai, mơya klao do neh dô lĭk bơdìh anih tam cah is, tơnơ̆ mờ hơ̆, kŭp rơndeh rê bơh càr Lạng Sơn tus ƀlàng rơndeh ơm Mỹ Đình Hà Nội, ơm tàm Hà Nội 2 ngai hơ̆ sồng kŭp tai rơndeh rê tus càr Gia Lai. Hìu sơnơm kơnhoàl Ia Grai neh bơyai lơh tam cah is klao do, mờ yal anih tờm sền gròi kòp tê jê să càr Gia Lai nàng ai phan xét nghiệm.

Cau mblàng Ndong Brawl