VOV4.K’ho- Rơndăp broă lơh tam gơl 50 rbô lồ brê ờ geh chi che gam sơnđan là brê r[ah nàng tam kau su tàm Gia Lai neh geh jơnau yal bơr ờ geh cồng nha, tu\ rlau 30% bă kau su neh chơ\t halà ờ geh bơsơ\t.

Uă ngan bă kau su gam wơl ai cồng nha mìng ndrờm mờ nggùl khà ờs mờng. Nàng bơsir wơl hoàc hươr tài bơh tam kau su, uă mpồl lơh sa kă bro neh bơsong is, khat gơboh nùs is tam gơl ù tam kau su gơ gơs wơl là ù ròng kơnrồ, tam chi sa plai, geh tu\ là ai apah.

Broă ngui ù tìs broă bơh rơndăp broă lơh dê ờ go\ di mìng lơh jơnau kờ` gàr geh chi che tàm brê bơh càr Gia Lai dê ờ gơtùi lơh geh mờ gam lơh gơlik ală bơta gơ tam gơl ờ niam ngan, digơlan lơh gơlik bơta kal ke ai broă lơh atbồ ù tiah tam tơngai tus in.

2 nam do, hìu bơnhă mò Bùi Thị Nhường ơm tàm thôn 3, xã Bình Nghi, kơnhoàl Tây Sơn, càr Bình Định apah ù gơ wèt rơndăp broă lơh tam kau su bơh Công ty Cổ phần tam brê mờ chi công nghiệp Đức Long Gia Lai gơ wèt công ty TNHH Tập đoàn Đức Long Gia Lai tàm xã Ia Blứ, kơnhoàl Chư Pưh nàng tam rơpung kài.

Đức Long Gia Lai gam ngui dùl bơnah ù rơndăp broă lơh tam gơl brê r[ah nàng tam kau su gơlik wơl là ù ròng kơnrồ mờ ai apah

Mò Nhường pà gi\t, priă apah ù là 5 tơlak dùl lồ tàm 3 nhai. Tơnơ\ tu\ dờp ù, mò Nhường tă tai 1 tơlak priă nàng cau lơh broă tàm mpồl lơh sa kă bro do in lơ òr ù, cò pơnring ù. Cau apah mìng pal lơh broă bồr àr mờ tam phan lơm. Pơndrờm mờ priă apah ù tàm ală kơnhoàl tiah đah mat tơngai lik càr Gia Lai dê, den apah ù tàm do gơlơh ờ kas rlau uă ngan. Ngan den tàng bè hơ\ mờ khà cau apah ù rơndăp broă lơh kau su bơh Đức Long Gia Lai dê ngai sơlơ gơguh tai mhar ngan.

Bơh nam lài, cau Bình Định lòt tus tàm do apah ù tam rơpung kài, khi pà ai he in gi\t bă brê do. He lòt sền ù, dilah di den he mus brê nàng lơh. Công ty ai măy lơ òr tus lơ òr ù là he tơm priă khi in. He mờ lơh gơtùi den kờ` apah kàr lơi là khi ai apah kàr hơ\.

Bơh nam 2008 tus nam 2011, Công ty Cổ phần tam brê mờ chi công nghiệp Đức Long geh jàu rlau 2 rbô lồ brê r[ah gơ wèt ù tiah xã Ia Blứ, kơnhoàl Chư Pưh, càr Gia Lai dê nàng tam tờm kau su. Tơnơ\ 10 nam lơh rơndăp broă lơh, tus tu\ do, 1.200 tàm 1.700 lồ kau su tam pa bơh mpồl lơh sa kă bro dê neh chơ\t mờ gơtìp ồs sa tài bơh ờ geh bơta sơngka sền gàr. Bă kau su gam kis neh mờr 10 nam, mơya ờ hềt gơtùi còr bơsơ\t tài bơh croăn ờ dờng.

Ồng Lê Ngọc Minh, Atbồ rơndăp broă lơh kau su, Công ty Cổ phần tam brê mờ chi công nghiệp Đức Long Gia Lai tàm xã Ia Blứ pà gi\t, bơdìh mờ broă ai làng bol càr ndai in apah ù tam phan, mpồl lơh sa kă bro gam ròng kơnrồ tàm tiah rơndăp broă lơh. Tu\ do, rơndăp broă lơh kau su bơh Tập đoàn Đức Long Gia Lai dê lơh broă ờ pràn ngan, mìng pơgăp 10 nă cau lơh broă lơm, tàm hơ\ mìng geh 2 nă cau lơh broă gah bơta chài sơngka sền gàr kau su.

Ù lời gời hơ\, he dong kờl ai cau in lơh nàng geh priă ai oh mi tàm công ty in, gơ den lơh niam wơl tai ù, gơsơ\t nhơ\t nàng tơnơ\ do dilah lơh den ù kung ờ geh nhơ\t sơl. Dilah sơrbì ù bè lài den tu\ lơh pal pès jơh nhơ\t chi che hòn lềng, lơ òr crài ù, roh uă ngan tu\ tơngai, dà kơlhề.

Nhai 5 nam do, Chính phủ ngan ngồn hơ ai gùng dà broă lơh ai ală mpồl lơh sa kă bro ờ geh cồng nha tàm rơndăp broă lơh tam gơl 50 rbô lồ brê r[ah tam kau su tàm Gia Lai gơtùi tam gơl jơnau kờ` ngui ù nàng tam chi brê, phan sa ndai tàm bă kau su chơ\t.

Mơya, dilah tam gơl, mpồl lơh sa kă bro pal tam brê ala bal mờ khà ai: tam gơl 1 lồ ù rơndăp broă lơh, den pal tam ala 3 lồ brê. Chính phủ kung mìng ai tam gơl tu\ neh geh cồng nha tam tơrlòng lài mờ geh lòt sền, ki\ ring bal bơh gah lơh broă sa sươn sre dê.

Công ty cổ phần kau su Trung Nguyên (gơ wèt Tập đoàn Hoàng Anh Gia Lai) neh khat gơboh nùs is tam chi sa plai tàm ù rơndăp broă lơh tam gơl brê r[ah nàng tam kau su pơgăp mờ do bàr pe nam

Mơya, ờ sền gròi tus broă tam brê ala, bơh bàr pe nam lài, uă mpồl lơh sa kă bro neh bơsong is, khat gơboh nùs is tam gi\t nđờ rhiang lồ tờm phan sa tàm bă ù brê. Tàm hơ\, lơh uă ngan rlau jơh là công ty Cổ phần kau su Trung Nguyên gơ wèt Tập đoàn Hoàng Anh Gia Lai, neh khat gơboh nùs is tam gơl 250 lồ nàng tam pơnăt mờ pơ ò. Công ty Cổ phần bơcri priă mờ bơ\t bơtàu 194 tam uă lồ chi xà cừ tàm bă ù tam kau su ờ geh cồng nha.

Jơnau geh ngan khat gơboh nùs is ngui ù rơndăp broă lơh kau su tìs broă neh geh Hội đồng Nhân dân càr Gia Lai sền go\ tàm dơ\ gròi sền gùl nam 2015. Pơgăp mờ do bàr pe nhai, Ủy ban Nhân dân kơnhoàl Chư Pưh pơn jat tai pơyua sră yal jơnau geh ngan do tus mờ Thường trực Hội đồng Nhân dân càr Gia Lai in. Sở Nông nghiệp mờ Phát triển Nông thôn càr Gia Lai neh tus sền bơta geh ngan. Mơya, broă do mìng bơto tơngkah lơm. Ồng Vũ Ngọc An, Phó Kuang atbồ Sở Nông nghiệp mờ Phát triển Nông thôn càr Gia Lai gam đơs tai là, do là jơnau dềt rơhềt gơ dê.

Ală anih geh broă lơh bơsong is tam tơrlòng lài bàr pe lồ. Bơta hơ\ ờ go\ kơn jơ\ kơn ju\t bè atbồ dà lơgar ờ. Càr kung sồr ală gah lơh broă lòt sền, nàng sền ală mpồl lơh sa kă bro tam nđờ lồ, tam ală tờm chi lơi, `chi gơlơh ờ hềt ai gơnoar lơh mờ khat gơboh nùs is rề ơnàng bă ù. Sở Nông nghiệp mờ Phát triển Nông thôn neh lòt sền, yal mờ UBND càr in sồr ală mpồl lơh sa kă bro gàr wơl bè ờs bơta geh ngan, ờ go\ di rề ơnàng bă ù.

Kau su tàm rơndăp broă lơh tam gơl brê r[ah nàng tam kau tàm kơnhoàl Chư Pưh croăn ờ dờng, ờ geh cồng nha

Nàng lơh jat gùng dà broă lơh tam gơl 50 rbô lồ brê r[ah nàng tam kau su, bơh nam 2008 tus nam 2011, càr Gia Lai neh ai 16 mpồl lơh sa kă bro in lơh 44 rơndăp broă lơh. Rlau 35 rbô lồ brê r[ah neh gơtìp tam gơl jơh, ala tàm hơ\ uă ngan là kau su croăn ờ dờng, gi\t nđờ jơ\t rbô lồ gơtìp chơ\t, gơtìp ồs sa tài bơh ờ geh bơta sơngka sền gàr. Mpồl lơh sa kă bro gam lơh gơlik ală bơta tam gơl kal ke ngan.

Bơta ờ lơh krà` bơh gơnoar atbồ tiah do dê ngan digơlan geh lơh ală jơnau tam gơl ờ niam do sơlơ kal ke tai bơsong, kal ke sồr geh mpồl lơh sa kă bro pal tam brê ala ai bă ù tam gơl jat jơnau sồr bơh Chính phủ dê!

Cau mblàng Lơ Mu K’Yến