VOV4.K’ho - Tàm Tây Nguyên, kra [òn là groăt broă geh mpồl bơtiàn pồ cau ngăc ngar, geh bơngă pin dờn kờ` tus bơsong ală broă [òn lơgar jăt adăt bơhiàn, tề lam [òn lơgar geh sùm bơta ring niam mờ tơnguh bơtàu. Tàm tiah nhàr dà lơgar càr Gia Laim gơnoar bơh ală kra [òn sơlơ geh tơngo\ loh làng tu\ pơgồp bal kuơ màng tàm broă sền gàr gơnoar ù tiah, bơta lơngăp lơngai ờ do ờ dă mờ lơh sa mpồl bơtiàn tàm tiah nhàr dà lơgar.

Neh uă nam do, kra [òn Rơ Châm Tik, kis tàm [òn Mok Đen, xã Ia Dom, kơnhoàl Đức Cơ, càr Gia Lai sùm tus bal mờ broă lòt sền gròi, sền gàr tiah nhàr dà lơgar bal mờ kuang bàng, cau ling tàm pôs ling sền gàr mpồng nhàr dà lơgar dunia Lệ Thanh.

                    kra [òn Rơ Châm Tik bal mờ kuang bàng lòt sền gròi tiah nhàr dà lơgar

Ồng Tik pà g^t, làng bol tàm [òn ơm kis mờ lơh broă sa jăt gah nhàr dà lơgar, là ală cau g^t wă loh làng tơl nđàm ù mờ mhar ngan ală broă geh tàm tiah nhàr dà lơgar.

Den tàng, tu\ cau ling sền gàr tiah nhàr dà lơgar lam sồr [òn lơgar tus bal sền gàr tiah nhàr dà lơgar den ồng chờ hờp ngan tàm broă lam sồr làng bol tàm [òn kờ` bal mờ uă jơnau tơng^t neh di tu\ yal mờ cau ling sền gàr tiah nhàr dà lơgar bơsong. Tiah nhàr dà lơgar lơngăp lơngai là bơta chờ bơh cau ling sền gàr tiah nhàr dà lơgar, kung là bơta chờ làng bol [òn lơgar dê sơl:

-A` lam sồr làng bol tàm xã tiah nhàr dà lơgar lơh oh mi bal mờ cau ling sền gàr tiah nhàr dà lơgar. Bol a` pơgồp bal lơh jăt gùng dà broă sền gàr `jrong nhàr dà lơgar, jào mpồl atbồ [òn lơgar di tu\ go\ ală broă ờ niam tàm tiah nhàr dà lơgar kờ` di tu\ yal mờ cau ling sền gàr tiah nhàr dà lơgar bơsong.

Mờ kra [òn Ksor H’ Lâm, do là dùl tàm ală cau ùr lơh kra [òn ờ hoan geh ngan tàm Tây Nguyên, mò neh mờr 30 nam dờp gơnoar broă kuơ màng do tàm [òn Krông, xã Ia Mơr, kơnhoàl Cư\ Prông.

Tàm 30 nam do, mờ broă tề lam bơh mò Ksor H’ Lâm, [òn Krông mờ ală [òn rềp bal sùm geh sền gàr bơta ring niam, rài kis lơh broă sa ngai sơlơ gơguh. Neh geh tu\ là cau ling, at groăt tus Thượng uý den tàng mò Sor H’ Lâm g^t loh làng ngan bè broă lam sồr làng bol.

      Mò Ksor H’ Lâm là cau kơl dìng nùs nhơm làng bol kis tàm xã tiah nhàr dà lơgar Ia Mơr kơl jăp mờ tơnguh bơtàu

Kờ` làng bol pin dờn, làng bol dờn mờ lơh jăt gùng dà broă lơh bơh Đảng, adăt boh lam bơh Dà lơgar, mò sùm lam lài, tus tơl hìu làng bol boh bơr, bơto sồr. Gơwèt mờ ală hìu kal ke, mò jòi tơl bơta kờ` dong kờl kờ` tơnguh tàm rài kis, geh tu\ mò dong kờl phe sa, geh tu\ dong kờl boh sa, uă hìu mò dong kờl kơnrồ nàng ròng tai.

Mờ nùs nhơm song dơ pă, niam bơne\, lam lài, geh bơngă pin dờn bơh mò sơlơ ngai sơlơ geh tơnguh uă mờ cồng nha tàm broă lam sồr sền gàr tiah nhàr dà lơgar sơlơ uă:

-Sền gàr bơta lơngăp lơngai tiah nhàr dà lơgar, niam ờ do ờ dă tàm mpồl bơtiàn den a` kung g^t gùng dà broă lơh bơh gơnoar atbồ. Tàm hơ\ uă ngan là broă lơh bal, tài a` kis tàm do den rềp bal mờ làng bol lơgar Campuchia, bàr đah kung geh lòt rê bal.

Đah ne kung geh cau jơi nòi đah do, đah do geh cau jơi nòi đah ne. Den tàng he pal lam sồr làng bol bàr đah in g^t bal tu\ lòt rê kờ` ờ lơh geh bơta aniai lơi tus mờ làng bol, dà lơgar dê, bè tìp mờ ală cau ờ niam, cau ờ niam lam sồr, bơchồt den ba` dờn, ba` lơh jăt.

Càr Gia Lai geh gùng nhàr dà lơgar jòng 90 kơi sồ, lòt gan 7 xã tàm 3 kơnhoàl mờ 10 jơi bơtiàn kòn cau oh mi ơm kis bal, geh gùng nhàr dà lơgar rềp bal mờ lơgar Campuchia. Jăt gah gùng nhàr dà lơgar, tu\ do geh 40 nă kra [òn geh bơngă pin dờn tàm uă gah broă. Ală kra [òn là ală cau lam lài kờ` oh kòn, kòn sao tàm jơi nòi bal mờ làng bol dòm jăt bal.

Do gơtùi sền là ală cau geh pơnrơ jăk, lam lài tàm broă lam sồr, bơto bơtê, lam sồr làng bol tơnguh uă nùs nhơm rơcang ngăc lài, tus bal tam dră mờ sơndră mờ ală bơta tìs, ală broă tìs mờ kơrnoăt tàm tiah nhàr dà lơgar, lơh geh cồng nha broă lơh “Gùt làng bol tus bal sền gàr gơnoar ù tiah, bơta lơngăp lơngai tiah nhàr dà lơgar tàm rài pa”, ală broă sền gàr is bè bơta lơngăp lơngai ờ do ờ dă, mpồl cah rơ`a, sơndră mờ cau tiă gan nhàr dà lơgar ờ di mờ adăt boh lam.

Thiếu tá Trần Mạnh Hà, Chính trị viên pôs ling sền gàr tiah nhàr dà lơgar Ia Púch, Gơwèt mpồl đơng lam sền gàr tiah nhàr dà lơgar càr Gai Lai pà g^t, kơnờm mờ broă tơnguh gơnoar bơh ală kra [òn, gơl gùng nhàr dà lơgar bơh pôs ling atbồ sùm geh sền gàr ring niam, ờ do ờ dă:

-Tàm ală nam do, pôs ling sùm lơh jăt, lơh jăt nền nòn broă đơng lam bơh gơnoar atbồ, sùm lơh jăk broă pơlam cấp uỷ, gơnoar atbồ xã, pơgồp bal nền nòn mờ ală mpồl ling ndai tàm do kờ` hòi jà geh bơta pràn bơh gùt làng bol tus bal sền gàr gơnoar ù tiah, bơta lơngăp lơngai tiah nhàr dà lơgar, ờ do ờ dă gùt mpồl bơtiàn tàm do.

Tàm hơ\ kuơ màng là sền kuơ tàm broă mpồl kra [òn, kuang atbồ [òn, cau geh bơngă pin dờn, là ală cau geh gơnoar, kuơ màng ngan tàm rài kis làng bol ală kòn cau tàm tiah do dê.

Bal mờ ală mpồl lơh broă geh gơnoar, ală kra [òn tàm tiah nhàr dà lơgar càr Gia Lai gam tơnguh gơnoar să tòm. Bơh tu\ hơ\ pơgồp bal kuơ màng tàm broă bơ\t bơtàu, sền gàr mờ tơnguh bơtàu kơl jăp tiah jăt gah nhàr dà lơgar dê.

Cau mblàng Ndong Brawl