VOV4.K’ho- Broă rơndăp tăp sèng, tam gơl pa, broă lơh atbồ, ngui ù tiah tàm ală anih lơh sa sươn dờng, anih sền gàr tam brê tàm càr Gia Lai kung gam uă broă ờ hềt geh lơh, ờ hềt pràn jak mờ lơh tìs sơl. Do là tơngume geh đơs tàm dơ\ gròi sền tàm ngai òr 15/8 bơh Hội đồng Kòn cau Quốc hội dê mờ UBND càr Gia Lai.

Dơ\ gròi sền tàm Gia Lai

Jơh gùt càr Gia Lai tu\ do geh 57 công ty lơh broă sa sươn sre, sền gàr tam brê, mpồl atbồ brê, brê dà lơgar, tiah sền gàr mờ bă ù rlau 603 rbô lồ. Jơnau sơgràm phà, tam pìt tam pà ù tiah kung gam gơlik geh sơl; uă bă ù ờ hềt geh atbồ, ngan là bă ù ai wơl bơh ală anih lơh sa sươn dờng, anih sền gàr tam brê dê jàu ai càr in; broă lơh atbồ ù tiah gam uă bơta ờ suk, ală sră nggal bè ù tiah ờ hềt lơh gơs; cồng nha ngui ù ờ geh uă.

Pal sền ngac ngan là, bơnah bă ù bơh ală anih lơh sa sươn dờng, anih sền gàr tam brê dê rơcang jàu wơl càr in atbồ gơguh tus mờr 20 rbô lồ. Mơya, broă dờp, ai mờ ngui bă ù do kal ke wơl ngan mờ digơlan gơlik uă bơta ờ kơ\ kơl jăp, tài bơh gam geh cau ngui.

 Cau mblàng Lơ Mu K’Yến