VOV4.K’ho-Tơngai rềp ndo, Kuang àng càr Gia Lai dờp gi\t nđờ jơ\t pang sră pơyua yal bơh làng bol dê bè broă gơtìp cau pơrlồm bơh internet mpồl bơtiàn, điện thoại at tê. Bơh lồi nam lài tus tu\ do, geh rlau 20 nă cau gơtìp cau pơrlồm mờ khà priă bơh 40 tơlak tus 2 tơmàn priă. Broă lơh pơrlồm do bulah là ờ pa, mơya broă lơh do ngai sơlơ rơlăc rơliang rlau.

Là cau tờm dùl mpồl lơh sa kă bro is tàm [òn dờng Pleiku, sùm ngui broă kă bro tơn tàm internet mờ ngân hàng, mơya bi Phan Văn Nguyên, ơm tàm sơnah [òn Yên Đỗ, kung gam gơtìp cau pơrlồm jê sồt ngan.

Lồi nhai 5 nam 2018 pa do, pa yal jơnau tăc ù tàm internet mpồl bơtiàn facebook, bi Nguyên dờp geh jơnau cih yal bơh dùl nă cau krơi dê lùp blơi. Cau do yal is he mat là Tâm, gam kis tàm lơgar Mỹ.

Ai jơnau là tài bơh ờ hềt gơtùi tìp măt kă bro, den tàng cau krơi sồr bi Nguyên pơyua sổ đỏ, sră kim ta, sră dờp priă jàu lài nàng lơh cơng, mơkung hơ tơm lài 200 tơlak priă bơh broă drơng ala pơyua priă dunia.

Jat bơta bơto pơlam, bi Nguyên pờ tàm gùng link geh anih mờr ndrờm bè pang web pơyua priă dunia western union.com. Tơnơ\ tu\ cih yal muh mat să tờm, khà sồ tài khoản mờ mã OTP (hơ\ là sồ ndơ\p ndơr pà gi\t lơh broă ngui 1 dơ\ bơh ngân hàng) den tài khoản bi Nguyên dê gơtìp tơrmù te\ 48 tơlak priă.

Roh priă, bi Nguyên gơlơh nrơ\t ndơl ngan đal gi\t, tu\ he cih yal muh mat tàm pang web lơh pơrlồm, cau pơrlồm neh dùl tu\ bal pờ tàm tài khoản ngân hàng bi dê nàng lơh broă tung kơ`au priă.

A` gơtìp tơn roh te\ nùs nhơm pin pơrdah tài bơh cau pơrlồm he ơn he tàm anih cau dờp priă. Khi cribơyai dan tơrmù priă jền kă bro sùm, pơyua he in sră lòt rê lơgar ndai bơh khi dê.

Den tàng là a` ờ gam pin pơrdah tai. Tu\ cau jun pang web cih yal muh mat să tờm den hơ\ là pang web pơrlồm bơh pang web pơyua priă dunia dê. Bơh sơnrờp anih den ndrờm sơl, mơya sền tàm điện thoại den gơ ndơ\p te\ lồi du\t anih. A` cih yal muh mat să tờm, yal tài tài khoản tàm hơ\.

Tu\ cih mã OTP, a` tồn lah a` gam cih yal jơnau nàng dờp priă, mờ ờ go\ gi\t là he gam ai cau pơrlồm in jơnau yal pờ tài khoản ngân hàng he dê.

Bi Nguyên cau soh àu bò là cau tờm mpồl lơh sa kă bro is, sùm kă bro mờ broă drơng ala tàm internet bơh ngân hàng dê mơya bi kung gơtìp cau pơrlồm sơl

Lồi nhai 4 nam 2018, geh dùl nă cau hòi điện thoại k[àng bơh hìu bơnhă bi Nguyễn Thị Huyền dê, ơm tàm sơnah [òn Thắng Lợi, [òn dờng Pleiku, càr Gia Lai yal is là kuang bàng bơh anih lơh broă kảnh sát lùp khàu, Bộ Kuang àng dê.

 Iat dờn jơnau cau do dê đơs, bi Huyền gam gơtìp lùp khàu bè tìs kă bro tìs mờ kơrnoat boh lam ma túy. Tơnơ\ tu\ pơhìn tus rài kis să jan mờ ờdo ờdă màng kis bơh cau hìu bơnhă bi Huyền dê, mơkung sền go\ cau gơtìp pơrlồm gơlơh kơlôi rơcang ngòt rơngơ\t, cau pơrlồm sồr bi pơyua priă tàm dùl tài khoản ngân hàng nàng drơng lùp khàu.

Kơlôi rơcang ngòt rơngơ\t mờ gơtìp rồn bơklơn pơhìn bè nùs nhơm, bi Huyền neh tus ngân hàng pơyua 161 tơlak priă tàm sồ tài khoản 19032062259091 sơnđan mat Bùi Văn Long pờ tàm ngân hàng Techcombank Hà Nội.

Khi đơs mờ a` là bi pal yal nàng bol a` in dong klàs bi in. Kă bro ma túy là ko\ng bơta lơh glài ku\p jàm tus jơh rài kis tơn. A` kung gơlơh rơngòt sơl, ngòt là he uàn mơya cau lơh he gơlik wơl là cau tìs.

Bi geh nđờ priă tàm tài khoản là bi pal jàu jơh bol a` in bơh dùl tài khoản bơh kho bạc dà lơgar dê. Dilah bi uàn, den bol a` jàu wơl bi in, geh bal priă cồng. Bi geh tìs, den geh gơtìp ai jơh priă do. A` git là a` ờ geh tìs, a` pơyua đại khi in nàng khi dong kờl he, hơ\ sồng cau jàu wơl he in.

Cau pơrlồm lơh gơlik jơnau tàm yal tơngi\t ndrờm bè dùl dơ\ kă bro ngan

Jat Phòng Kảnh sát Lùp khàu cau lơh tìs bè rơndăp tăp sèng ờdo ờdă mpồl bơtiàn gơ wèt Kuang àng càr Gia Lai dê, bơh lồi nam lài tus tu\ do, anih lơh broă do neh dờp geh sră yal bơh mờr 20 nă cau dê là cau gơtìp cau pơrlồm tàm internet mpồl bơtiàn mờ điện thoại at tê bal mờ khà priă pơgăp bơh 40 tơlak tus 2 tơmàn priă.

Mơya, tàm bơta geh ngan, khà cau gơtìp pơrlồm digơlan uă rlau uă dơ\. Tài bơh nùs nhơm ngòt ờ khin mờ cau pròc mhàm, cau gơ\p bơyô den tàng ờ go\ lòt yal tàm anih lơh broă geh gơnoar in.

Bơta bal bơh ală dơ\ lơh pơrlồm do dê là broă pơyua priă sùm geh lơh tàm trồ mho. Jơh ală cau gơtìp cau pơrlồm ndrờm ờ thàn lơh tơl sră nggal nàng kơryan cau pơrlồm sa kơ`au priă jền mờ jùt jơh ală tềl yal tơngi\t bè jơnau bơh bi Phan Văn Nguyên dê.

A` kung thàn lòt tus ngân hàng sơl, kơnờm ngân hàng dong kờl [à, mơya tu\ tus den ngân hàng sồr pal lơh uă sră nggal, pal geh jơnau sồr kơryan tài khoản bơh anih lơh broă kuang àng dê.

Lồi [ùi mho, a` lòt tus anih lơh broă geh gơnoar in nàng yal den ờ gơtùi ai geh jơnau sồr kơryan tơn, mờ pal ơm kơ\p tus ngai dơ\ 2 poh tơnơ\. Rlau ngai dơ\ 7 mờ ngai rlô den he ờ thàn bơsong. Tàm tơngai hơ\, cau pơrlồm neh thàn tă jơh priă he dê.

Anih lơh broă kảnh sát lùp khàu cau lơh tìs bè rơndăp tăp sèng ờdo ờdă gùng lòt gơ wèt Kuang àng càr Gia Lai tơrgùm kờp geh 4 bơta pơrlồm geh ngui tàm internet mpồl bơtiàn mờ bơh tàm điện thoại at tê.

Hơ\ là lơh pơrlồm cau tờm internet geh jờng; pơrlồm blơi halà tăc phan online; lơh pơrlồm cau lùp khàu, kuang àng, cau gròi sền; lơh pơrlồm là cau lơgar ndai kờ` lơh broă niam, halà bau mờ cau ùr Việt Nam pơyua phan bơh tàm hải quan, halà gùng rơndeh par nàng sa kơ`au priă jền phan bơna. Broă lơh pơrlồm bulah ờ pa, mơya broă lơh do ngai sơlơ rơlăc rơliang ngan.

Bulah neh geh ngân hàng pơyua uă jơnau yal tơngkah lài, mơya uă cau kung ndrờm ờ thàn đal gi\t sơl

Bal mờ hơ\, cau pơrlồm sùm ngui sră kim ta ờ ngan nàng lơh thẻ ATM, halà ngui sim điện thoại ờ ngan, tài khoản facebook pơrlồm nàng lơh broă. Khà priă pơrlồm geh khi pơyua tàm pơdar bơh uă ngân hàng krơi is mờ geh tă tàm ATM tàm lơgar ndai.

Thượng tá Trần Trọng Sơn, Kuang atbồ Phòng Kảnh sát lùp khàu cau lơh tìs bè rơndăp tăp sèng ờdo ờdă mpồl bơtiàn, Kuang àng càr Gia Lai bơto yal lài làng bol in pal kơrhia ngan, rơcang ngac mờ ală broă hòi điện thoại bơh cau krơi dê nàng sền gàr jơtài priă jền tềng đap mờ ală cau lơh tìs do.

Làng bol ba` tơngo\ uă rùp hin mờ yal tơngi\t uă jơnau bè să tờm, ngan là tài khoản, mat sơnam, ngai nhai nam deh, anih ơm bơh he dê tàm internet mpồl bơtiàn. Tu\ ngui tài khoản ngân hàng, ngan là ală ngân hàng geh broă pơyua priă dunia den pal kơrhia ngan sền gàr ndơ\p ndơr ală jơnau yal tơngi\t tàm tài khoản.

Dơ\ pe là tàm tu\ dilah ală cau lơh pơrlồm là cau lùp khàu, cau gròi sền pơyua tus yal tơngi\t ală broă ku\p jàm, yal yă, den a` sồr làng bol ba` dòn mờ pal yal tơn ai anih lơh broă kuang àng in.

Cau mblàng Lơ Mu K’Yến